musi Manka
musi Manka (toki Inli: Minecraft, "pakala kiwen, pali ijo") li musi ilo tan kulupu Mosen pi ma Sensa. jan Mako "Nosi" Pason (Markus "Notch" Persson) en jan Jen "Se" Pekensen (Jens "Jeb" Bergesten) li pali e ona kepeken toki ilo Sawa. musi ilo ale la musi Manka li musi pi esun nanpa wan. jan mute li musi e ona lon tenpo mun ale.
nasin musio ante
musi la jan li tawa lon ma pi pini ala. ona li ken alasa e ijo li ken pali e ilo li ken pali e tomo. soweli en kala en pipi li lon tenpo suno. tenpo pimeja la monsuta mute li kama. jan li ken utala e ona li ken kama jo e ijo tan ona. sama la jan li ken musi lon poka pi jan ante.
nasin pi jan mao ante
nasin pi jan ma la, jan musi li ken utala e monsuta mute. ona li wile moku. sijelo ike la ona li moli. jan musi li ken pali e mute. taso pini musi la jan li wile moli e akesi kon pimeja suli pi ma End.
nasin pi jan sewio ante
nasin pi jan sewi la, jan musi li jo e ijo ale. ona li ken pakala e leko ale li ken tawa sama waso li ken ala moli. ona li ken pali li ken alasa tan ni.
nasin pi jan pi lon wan tasoo ante
nasin ni li lon ni taso: musi li tan toki ilo Sawa. nasin ni li sama nasin pi jan ma. taso, sina jo e lon wan taso. sina ken ala jo e lon kin. suli ike musi li awen ike mute.