lipu "musi Pokemon" la tenpo tu la ante li ni

musi ilo Poketo Monsa li tan [[kulupu Kemupuliku]]. [[kulupu Nintento]] li pana e musi. [[musi Poketo Monsa Aka en musi Poketo Monsa Mitoli|musi Pokemon Aka en musi Pokemon Mitoli]] li open pi musi Pokemon. ona li kama lon [[ma Nijon]] lon tenpo sike nanpa 1996. ona li lon [[ilo Kemupo|ilo musi Kemupo]]. jan mute li esun e musi ni la, kulupu li pana e musi tawa ma ante li open e pali pi musi ante mute.  

musi ilo Poketo Monsa mute la sina wile kama jan soweli nanpa wan. ni la, sina o wawa e soweli sina o utala e jan soweli ante kepeken soweli sina. tenpo mute la, jan ike li lon kin. sina o utala e ona o weka e ike. soweli ale li jo e kule wan anu kule tu. utala pi soweli ale li jo e kule wan. kule ni li pali e ni: ona li utala e soweli ante la kule utala li ken ike tawa kule soweli anu ken pona tawa kule soweli anu ken ala tawa kule soweli. ona li ike la, wawa ona li kama lili. ona li pona la, wawa ona li kama suli. ona li ala la, wawa li ante ala. musi ilo Poketo Monsa pi nasin ni li suli mute.