lipu "musi Tetasu" la tenpo tu la ante li ni

[[sitelen:Typical Tetris Game.svg|alt=ni li sitelen pi musi Tetasu|thumb|musi Tetasu]]

musi Tetasu (Losi: Тетрис, Lasina: Tetris) li musi pi poki nanpa tan jan Alexey Pajitnov. ona li pali e musi ni lon tenpo sike 1985. ni lon ilo musi mute.

jan li musi Tetasu la, jan li pali e linja poka kepeken leko Tetamino. leko ni li tawa anpa. linja leko li lon la, linja leko ni li kama ala li pana e nanpa pona. ni li ken e ni: jan ken musi Tetasu lon tenpo suli a. jan li pali e linja leko mute lon tenpo wan la, jan li kama jo e nanpa pona mute a.

jan mute a li musi Tetasu. ona li pona a tawa jan mute a. musi Tetasu li nanpa tu lon jan musi. musi Tetasu li lon ilo musi 65 anu musi mute a. musi Tetasu li ken ante e insa lawa jan. jan li kama jo e musi Tetasu lon tenpo 520,000,000.

musi Tetasu la, jan li tawa e leko Tetamino lon supa; taso, leko ken ala tawa sewi. jan li wile pali e linja poka tawa kama jo e nanpa pona. jan li pali la, linja poka li kama ala. jan li pali e linja poka mute la, jan kama jo e nanpa pona mute a. leko li pilin e sewi supa la, jan li pakala e musi ni.

leko Tetamino luka tu li lon. ona li leko tu tu. nasin sitelen ni la ona li jo e nimi I, e nimi J, e nimi L, e nimi O, e nimi S, e nimi T, e nimi Z. jan li ken tawa sike li ken tawa poka e ona. jan li musi lon tenpo suli la, leko li open tawa anpa kepeken tenpo lili. kule ni li meso; taso kule ante li lon lon tenpo pini.