nasin telo Nile

nasin telo Nile (toki Alapi: النيل) li nasin telo lon ma Apika. ona li pana e telo tawa telo suli Mesitelane lon ma Masu. ma Masu en ma Sutan en ma Sato Sutan en ma Ukanta li lon poka ona. ma tomo Kajela en ma tomo Katun en ma tomo Asuan en ma tomo Alesanlija li lon poka ona.

nasin telo Nile li lon ma Masu

nasin telo la, nasin telo Nile li suli nanpa wan anu nanpa tu. kin la, nasin telo Amasona li ken nanpa wan. mama telo suli tu li pana e telo tawa nasin telo Nile. ni li nasin telo Nile walo li nasin telo Nile laso. nasin telo Nile walo li nasin suli, li jo e telo suli, li open lon telo suli Witowija lon ma Ukanta. nasin telo Nile laso li nasin lili, li jo e telo mute, li open lon telo suli Tana lon ma Itejopija. nasin telo ni li kama wan lon ma tomo Katun lon ma Sutan.

open la, nimi ona li tan tan toki Elina. nimi pi toki Elina li Neilos (Νεῖλος). nimi pi toki Lasina li Nilus. tenpo lon la, toki lon poka pi telo Nile li toki Alapi. nimi pi toki Alapi li an-Nīl (النيل).

tenpo pini mute pi nasin telo Nile jelo li pana e telo tawa nasin telo Nile. taso nasin telo Nile jelo li moli.