pipi jelo pimeja pi ko suwi

pipi jelo pimeja pi ko suwi (Apipome (Apiformes) anu Antopila (Anthophila)) li lon e pipi. pipi jelo pimeja pi ko sewi mute li lon. tan ni la, lipu ni li toki e pipi ale jelo pimeja pi ko suwi.

pipi jelo pimeja li alasa e telo kasi suwi.

tenpo mute la, jan li toki e pipi jelo pimeja pi ko suwi la, ona li wile toki e pipi jelo pimeja Api Melipela (Apis Mellifera). jan mute li sona e ona. ona li pana e ko suwi mute.

sijelo

pipi ni li jo e sijelo lili. ona li jo e suli 10mm. ken la, ona li jo e suli 1.5mm. kin la, pipi jelo pimeja Mekakile Puto (Megachile Pluto) li jo e suli 4cm.

pipi jelo pimeja pi ko suwi li jo e ijo sijelo tu wan. ona li jo e ilo pi tawa kon tu tu. pipi jelo pimeja mute (taso: pipi jelo pimeja ale ala) li jo e palisa utala.

moku

tenpo mute la, ona li moku e telo kasi suwi. kin la, ona li moku e ko kasi. pipi jelo pimeja mute li poki e moku tawa tenpo kama.

ko suwi

pipi jelo pimeja mute li pali e tomo pipi, e kulupu pipi. ona li pali e ko suwi tawa pipi lili ona. taso, tenpo mute la, jan li kepeken e ko suwi. jan li pali e ni la, ona li jan pi pipi pi ko suwi.