lipu "tomo tawa mun" la tenpo tu la ante li ni

[[ijo:STS120LaunchHiRes-edit1.jpg|thumb|tomo tawa mun Tesawewi li sewi]]

'''tomo tawa mun''' li [[tomo tawa]]. ona li ken [[tawa mun|tawa]] [[pimeja mun]]. tomo tawa mun li ken jo e jan, li ken jo ala e jan. tomo tawa mun li ken tawa sike lon poka pi ma mi li ken tawa [[mun]] ante.

tenpo mute la, tomo tawa mun li tawa e [[ilo mun]].jan li insa tomo tawa mun la, jan ni li kama [[jan pi tawa mun]].

[[ma lawa]] tu wan ni li ken pali e tomo tawa mun jan: [[ma Losi]] en [[ma Mewika]] en [[ma Sonko]]. tenpo pini la, [[ma Sesesele]] li pali kin. tenpo kama la, [[ma Palata]] kin li ken pali e ni.

ma ante kin li ken lon mun e tomo tawa mun. [[ma Nijon]] en [[ma Isale]] en [[ma Soson]] en [[ma Anku]] li ken tawa pona e tomo tawa mun. kin la, [[ma Elopa]] wan li tawa e tomo tawa mun. tenpo pini la, ma Kanse en ma Juke li ken tawa e tomo tawa mun. tenpo ni la ma tu ni li lon kulupu ma Elopa li pali kulupu e tomo tawa mun pi ma Elopa.

 

 

tomo tawa mun pi jan ala li tawa mun mute. taso, tomo tawa mun jan li tawa [[mun Luna]] taso.