wile sona

jan li wile sona la, jan ante o pana e sona.

sitelen pi wile sona

wile sona lon toki pona

toki pona la, toki pi wile sona li kama kepeken nasin mute.

wile sona kepeken nimi "seme"

jan li ken pali e toki pi wile sona kepeken nimi "seme":

• sina wile e seme?

wile sona ni la, jan ante o ante e nimi "seme" tawa nimi ante:

• mi wile e kili.

anu

• mi wile e pan

wile sona kepeken toki "X ala X"

kin la, jan li ken toki e wile sona kepeken nasin "X ala X":

• sina wile ala wile e kili?

wile sona ni la, jan ante li ken jasima e toki li ken pana e nimi "ala":

• mi wile.

anu

• mi wile ala.