sina ante e lipu "mun Satunu"

[[suno mi]] la, {{nimi ijo|'''mun Satunu'''|Saturn}} li [[mun]] nanpa luka wan. ona li kon taso li jo ala e ma kiwen. mun Satunu li jo e sike suli. sike ni li kiwen mute pi telo lete. jan li pilin e ni: sike li lon tan ni: mun lili li pakala e mun lili ante. mun lili mute li sike e mun Satunu. mun pi mute lili li lawa e sike pi mun Satunu. ona li pana e awen tawa sike. mun ni li mun Pan, li mun Tapi, li mun Atas, li mun Pomesiju, li mun Pantola. mun pi suli mute pi mun Satunu li [[mun Sitan]]. sona la, mun Sitan taso li mun lili li jo e kon. taso, ona li jo e ma kiwen kin. nimi pi mun Satunu li sama e [[jan sewi]] pi [[nasin sewi Loman]]. jan sewi ni li lawa e kasi e mani e tenpo.

=== ilo pi mun Satunu ===

ilo mute li tawa mun Satunu. 

tenpo sike 1979 la, [[ilo Pajone 11]] li kama tawa mun Satunu. ona li lukin e mun lili e sike e mun Satunu. ona li kama sona e seli pi mun Sitan.

tenpo sike poka la, [[ilo Pojate]] tu li kama. ilo Pojate nanpa wan li lukin e selo pi mun lili. ona li kama poka e mun Sitan li kama sona e ijo mute pi kon ona. ilo Pojate nanpa tu li lukin sin e mun Satunu. ona li kama sona e ante sike e ante kon. ilo Pojate nanpa wan en ilo Pojate nanpa tu li alasa e mun lili mute e lupa insa sike.

tenpo sike 2004 la, [[ilo Kasini Ojuken]] li kama sike e mun Satunu. ilo Ojuken li tawa selo pi mun Sitan. ona li alasa e telo suli lon selo. ilo Kasini li lukin awen e mun Sitan e mun lili ante. ona li alasa e ni: nena pi [[mun Enkelatu]] li pana e telo. ilo Kasini li lukin e [[linja wawa suno]] lon kon pi mun Satunu. linja wawa suno ni li wawa sama linja wawa suno 1000 lon ma.

[[kulupu:mun]]