jan sewi Kopi
jan sewi Kopi (toki Masu pi sin ala: ḫprj) li jan sewi pi nasin sewi Masu. ona li jo e suno lon open pi tenpo suno. ona li tawa e suno lon sewi. jan Masu li lukin pipi pi jan sewi Kopi. pipi ni li tawa e jaki. pipi lili li kama tan jaki. tan ni la jan Masu li pilin e ni: pipi pi jan sewi Kopi li kama tan ala. kin la ona li pilin e ni: tenpo suno ale la suno li kama tan ala. jan ante li pilin e ni: mama meli pi jan sewi Kopi li jan sewi Nu. jan li sitelen e ona li toki lon ona. taso jan li pana ala e olin sewi tawa ona. lukin la ona li pipi. anu la ona li jan. jan ni li jo e lawa pipi. ona li kama jan sewi Le lon open pi tenpo suno. jan li kepeken ilo pi wawa sewi tan awen. ilo ni li jan sewi Kopi.
jan sewi Kopi
ilo pi wawa sewi. ilo ni li pipi
