ilo kalama supa pi nena walo pimeja
ilo kalama supa nena pi pimeja en walo, (in English: “Piano”) li ilo kalama pakala/linja. ona li jo e nena mute mute mute mute luka tu wan. ilo kalama supa nena pi pimeja en walo li ken jo e nena sin kin, taso, lili ona li lon. ona li kalama tan pakala linja pi ilo pakala. lipu pi kalama musi tawa ona li sitelen lon kulupu tu pi linja luka. linja luka sewi li jo e sitelen pi kalama sewi, en linja luka anpa li jo e sitelen pi kalama anpa.
kalama musi mute li pali tawa ilo kalama supa nena pi pimeja en walo. jan pali pi kalama musi tawa ilo kalama supa nena pi pimeja en walo li: jan Beethoven, jan Mozart, jan Chopin, jan Liszt, jan Rachmaninoff, en sin.
kalama musi ni li jo e: kalama musi Für Elise; kalama musi Moonlight Sonata; kalama musi Turkish March; kalama musi Minute Waltz; kalama musi Nocturne in E-flat major, Op. 9, No. 2; kalama musi La campanella; kalama musi Prelude in C-sharp minor; en sin.