jan:JanLentan/ma Sesesele
ma Sesesele
Союз советских социалистических государств | |
---|---|
len ma |
sitelen lawa |
kalama musi ma
| |
ma Losi lon sike ma (laso) | |
ma tomo lawa | ma tomo Makuwa |
toki lawa | toki Losi en toki ante 15 |
mani | mani Lupe pi ma Sesesele (руб.) |
ISO 3166 | SU |
ma Sesesele li ma pi tenpo pini.
sona mute la, o lukin e wan "tenpo pi ma Sesesele" pi lipu "ma Losi".
tenpo sike nanpa 1917 la, jan pi ma Losi li weka e jan lawa, li pali e kulupu lawa sin. kulupu jan Posewi (Большевики) li kama lawa lon ma Losi. sin la, ma ante li lon ma Losi pi tenpo pini ni. jan pi ma ni li wile pali e ma sin.
taso, utala sin li lon. kulupu jan ante li wile kama wan pi kulupu lawa. "kulupu utala loje" (Красная армия) li jo e kulupu Posewi, e kulupu ante pi nasin sama. "kulupu utala walo" (Белая армия) li jo e jan pi nasin mute. nasin mani, nasin lawa pi kulupu mama wan, nasin lawa pi wile jan en nasin ante li lon. sin la, kulupu pi nasin ni li utala e kulupu ante tu: ona li wile ala e kulupu lawa. jan mute li moli lon utala ni. pini la, kulupu utala loje li anpa e kulupu ante ale, li anpa e ma poka.
tenpo sike nanpa 1922, kulupu lawa pi ma Losi en ma Ukawina en ma Pelalusi en ma Sakakasija (Закавказия/Transcaucasia) li wan, li pali e kulupu Sesesele (Союз советских социалистических государств, "kulupu ma pi nasin lawa kulupu pi nasin pali kulupu"). ma ale ni la, kulupu Posewi li kulupu lawa, li pali e ni: kulupu lawa ante li ken ala. jan Wasimi Lenin (Владимир Ленин) li lawa e kulupu lawa Posewi.