jan:JanLentan/nasin pi sewi ala
lipu ni li pini ala li wile e pali. sina ken pini e ona. |
nasin pi sewi ala la, jan li toki insa e ni: ijo sewi anu jan sewi li lawa ala e jan.
nasin ante
nasin pi sewi ala la, nasin wan kiwen li lon ala. jan ante li toki insa e ijo ante. taso, nasin suli pi jan mute li lon.
- nasin pi sewi ala: "ijo sewi en jan sewi li lon ala."
- nasin pi sona sewi ala: "mi sona ala e ni: jan sewi li lon ala lon? nasin sewi mute li toki e ijo ante. tan ni la, mi toki insa e ni: nasin sewi ala li toki ala e lon."
- nasin pi sewi ike: "mi wile ala kepeken e nasin sewi tan ni: toki insa mi la, jan sewi pi nasin sewi mi li ike."
nasin pi kama sona
tenpo pini mute la, jan li kama sona e ijo mute. jan li sona e ni: jan li kama tan ijo seme? kon li ante tan seme? suno en mun weka li seme?
taso, nasin pi kama sona li kama lukin ala e sewi. jan li tawa nena suli, li tawa sewi laso, li tawa kon mun. taso, ona li kama lukin ala e sewi.
jan pi nasin sewi ala li toki insa e ni: "mi ale li ken ala lukin e sewi. mi ale li sona ala e ni: sewi li seme? sewi li pali e seme? mi ken ala lukin e ijo la, ken ala sona e pali ona la, ni li toki insa pona nanpa wan: ijo ni li lon ala."
"utala sona pi pali ike"[1]
nasin sewi mute li toki e ni: sewi li sona e ale, li ken pali e ale, li pona ale. ni li lon la, sewi li sona e ike ale, li ken pini e ike ale, li wile pini e ike ale.
taso, ike li pini ala. jan ike li pakala e jan, li moli e jan. ike sijelo li moli e jan lili. seli kon en tawa suli ma en nena seli li pakala e ma, li moli e jan.
jan pi nasin sewi ala la, utala sona ni li toki e ni: nasin sewi ni li toki e sona ike. sewi li lon la, ona li sona ala e ale. anu la, ona li ken ala pali e ale. anu la, ona li pona ale ala.
jan pi nasin sewi li toki e ni: mi ale li sona ala e sona ale sewi. ken la, sewi li wile ala pini e ike tan ijo ni: mi sona ala e ona.
ante la, ona li toki e ni: sewi li pana e wile pali tawa jan ale. jan li ken pali e ijo, li wile pali e ona la, sewi li wile ala pini e ni. jan li pali e ike la, sewi li wile ala pini e ona.
- ↑ "Logical Problem of Evil" (toki Inli)