sina ante e lipu "jan Jesu"

[[ijo:Spas vsederzhitel sinay (cropped).jpg|alt=|thumb|330x330px|sitelen pi jan Jesu]]
{{nimi ijo|'''jan Jesu'''|יֵשׁוּעַ|toki Alamaja||ipa=|2b=Ἰησοῦς|3b=toki Elena}} pi ma Nala anu '''jan Jesuwa''' li jan suli pi [[nasin sewi Kolisu]]. ona li jan pi pana sona sewi li jan lawa pi nasin sewi tan tenpo pini. jan pi nasin sewi Kolisu li toki e ni: jan Jesu li sewi li jan lili sewi li jan lawa kama pi [[lipu sewi TaNaKa|lipu sewi Tanaka]].

jan sona mute li pilin e ni: tenpo pini la jan Jesu li lon kin. taso lon pi lipu sewi la ona ale li pilin sama ala. jan Jesu li jan pi [[kulupu jan Jejuta|kulupu Jejuta]] tan ma Kali. jan Jowanan pi pana telo li pana e jan Jesu lon telo. jan Jesu li open e tenpo pi pana sona ona. jan kute li awen e pana sona ona kepeken toki uta. jan lawa li weka e ona li moli e ona lon palisa tan lawa pi jan Ponsiju Pilatu. jan pi nasin ona li pilin e ni: ona li kama lon sin tan moli lon tenpo suno tu wan. kulupu ni li kama kulupu pi nasin sewi.

jan pi nasin sewi li pilin e ni: moli ona la ona li pona e ike jan. ni la ona li ken kama lon poka sewi. nasin ona la jan Jesu li tawa sewi li kama sin lon ma lon tenpo kama.

jan mute pi nasin sewi Kolisu la, [[kama pi jan Kolisu]] (tenpo Christmas) li [[tenpo suno sewi]]. jan Jesu li kama lon sin tan moli la, [[kama tan moli pi jan Kolisu]] li tenpo suno sewi.

mama pi jan Jesu li [[jan Malan]] li [[jan Jose]]. ona li tan [[ma tomo Nasawe]].

sama la jan Jesu li suli tawa [[nasin sewi Silami]] tawa [[nasin sewi Pajawi]].


[[kulupu:kulupu jan Jejuta]]
[[kulupu:nasin sewi Kolisu]]