sina ante e lipu "jan Mikelanselo"

{{pini ala}}
[[File:Michelangelo Daniele da Volterra (dettaglio).jpg|thumb|right|sitelen ni pi jan Mikelanselo li tanTaniele Ta Poltela (Daniele Da Volterra)]]
{{nimi ijo|'''jan Mikelanselo'''|Michelangelo di Lodovico Buonarroti Simoni|toki Italija|IPA= [mikeˈlandʒelo di lodoˈviːko ˌbwɔnarˈrɔːti siˈmoːni]}}  li kama sin lon tenpo sike nanpa 1475, li moli lon tenpo sike nanpa 1564. ona li jan musi, li jan pi pali kiwen, li jan pi sitelen kule, li jan pi sona pi pali tomo, li jan pi musi toki. ona li kama tan ma tomo lawa Pilense (Repubblica di Firenze), li lawa mute e musi pi ma pi poka suno pini. pali ona li wawa li suli tawa tenpo pini ni. [[jan Lejonato pi ma Winsi]] taso li suli sama ni.

jan mute li sona mute e sitelen kule ona, e kiwen musi ona, e tomo pali ona. jan Mikelanselo li musi mute, li toki mute kepeken lipu tawa jan ante, li pali mute e sitelen pi pini ala, li pana mute e pilin ona lon sitelen la, ona li jan musi nanpa wan lon tenpo ona tawa sona pi jan sona. tenpo sike ona nanpa 30 li kama la, ona li pali e musi ''jan Malija pi pilin ike'' (Pietà), e musi pi ''jan Dawi'' (David). ona li toki ike e musi pi sitelen kule. taso ona li pali e sitelen suli tawa sinpin kiwen kin. ona li sitelen e musi sewi lon sinpin insa sewi pi tomo sewi Sisina (Cappella Sistina) lon ma tomo Loma, e musi sewi lon sinpin lon poka pi supa sewi lon tomo sama. ona li sitelen e nasin pali tawa tomo Lawensijana pi lipu sona (Biblioteca Medicea Laurenziana) la, ni li open e nasin sin pi pali tomo. nanpa pi tenpo sike ona li 74 la, ona li awen e pali pi jan lili Antonijo pi ma Sankalo (Antonio Da Sangallo Il Giovane), li sitelen e nasin pali tawa tomo sewi pi jan Peto.

jan Mikelanselo li moli ala la, lipu tu li toki e ale ona. nasin ni li sin a. jan musi ante pi tenpo ona la, lipu li toki e jan musi lon tenpo pi moli pini.

tenpo pi jan Mikelanselo la, jan li nimi e ona kepeken nimi "jan sewi" (Il Divino). ona li ken pana e pilin wawa la, ni li pona suli tawa jan pi tenpo ona. jan musi ante li lukin pali e sama lon tenpo pi moli ona.

==pali==

===meli Matona en jan lili ona===
jan Mikelanselo li pali kepeken kiwen walo la, sitelen pi jan Malija (anu jan Matona) li open tawa ni. sijelo jan li tawa lon nasin mute la, ni li kama nasin tawa jan Mikelanselo

<gallery widths="200" heights="200" perrow="4">
File:Buonarotti-scala.jpg|meli Matona lon nasin kiwen pi kama sewi (tenpo sike nanpa 1490–1492)
File:Taddei Tondo.JPG|kiwen sike pi jan Tati (tenpo sike nanpa 1502)
File:Madonna michelangelo1.jpg|meli Matona en jan lili ona (tenpo sike nanpa 1504)
File:Tondo Doni, por Miguel Ángel.jpg|sitelen sike pi jan Toni (tenpo sike nanpa 1504–1506)  
</gallery>

===sijelo mije===


<gallery widths="200px" heights="200px" perrow="4">
File:Angel by Michelangelo - 3.JPG|''sewi jan lili'' li musi pi tenpo open tan jan Mikelanselo (tenpo nanpa 1494–95)
File:Michelangelo Bacchus.jpg|''sewi Paku pi telo nasa'' li musi pi tenpo open tan jan Mikelanselo (tenpo nanpa 1496–1497)
File:Dying slave Louvre MR 1590.jpg|''jan pali pi awen poki li kama moli'' (tenpo sike nanpa 1513)
File:Michelangelo - Atlas.jpg|''jan pali pi awen poki li awen lon poki'' (tenpo sike nanpa 1530–1534)
</gallery>

===sinpin insa sewi pi tomo sewi Sisina===
kule musi li kama lon sewi pi tomo Sisina lon tenpo sike 1508-1212. jan lawa sewi Papa Juliju nanpa tu li wile e jan pona luka luka tu wan pi jan Jesu. jan Mikelanselo li ante e pilin ona sama ni: jan Mikelanselo li ken lawa e sitelen. sitelen ni luka tu tu li tan lipu open tan lipu nasin sewi pi jan Jesu.

[[File:CAPPELLA SISTINA Ceiling.jpg|thumb|upright=4.5|left|''sinpin insa sewi pi tomo sewi Sisina'' (tenpo nanpa 1508–1512)]]

<gallery widths="200px" heights="200px" perrow="4">
File:Ivresse de noe.jpg|''jan Nowa li nasa tan telo''
File:Michelangelo, Deluge 02.jpg|''pakala ma suli'' (wan lili sitelen)
File:Creación de Adám.jpg|''sewi li pali e jan Atano''  (tenpo sike nanpa 1510)
File:First Day of Creation.jpg|''tenpo suno nanpa wan pi open ale''
</gallery>


<gallery widths="200px" heights="200px" perrow="4">
File:Michelangelo libyan.jpg|sitelen open pi ''jan Pemonoje''
File:Michelangelo the libyan.jpg|''jan Pemonoje'' (tenpo sike nanpa 1511)
File:Michelangelo Buonarroti 027.jpg|''jan Jelemija pi sona sewi'' (tenpo sike nanpa 1511)
File:'Ignudo' by Michelangelo JBU33.jpg|''len ala''
</gallery>

===sijelo kulupu===


<gallery widths="200px" heights="200px" perrow="4">
File:Michelangelo, centauromachia, 1492 ca. 01 crop.JPG|''utala pi jan soweli'' (tenpo sike nanpa 1492)
File:La batalla de Cascina - Sangallo.jpg|jan Patijano pi ma Sankalo (Bastiano da Sangallo) li sitelen sama e utala pi ma Kasina (Cascina). sitelen mama pi jan Mikelanselo li weka
File:Michelangelo, giudizio universale, dettagli 33.jpg|''sewi li pana e wile nanpa pini.'' ni li wan lili sitelen 
File:Michelangelo, paolina, martirio di san pietro 01.jpg|jan Peto li kama awen lon palisa ike pi nasin tu''
</gallery>

===nasin pi pali tomo ===


<gallery widths="200px" heights="200px" perrow="4">
File:Laurentian Library vestibule.jpg|open insa pi tomo pi lipu sona
File:View of the Campidoglio as re-designed by Michelangelo from the 'Speculum Romanae Magnificentiae' MET DP844272.jpg|jan Mikelanselo li sitelen sin e nena ma Kapitolinu (Mons Capitolinus) la, selo pi nasin sike mute li lon insa
File:L’Architecture de la Renaissance - Fig. 13.PNG|jan Mikelanselo li sitelen e nasin pali tawa tomo sewi pi jan sewi Peto
File:Speculum Romanae Magnificentiae- Elevation Showing the Exterior of Saint Peter's Basilica from the South as Conceived by Michelagelo (Published in 1569) MET DT203424.jpg|sike suli li lawa ona
</gallery>

===tenpo pini ona===


<gallery widths="200px" heights="200px" perrow="4"> 
File:Pieta Bandini Opera Duomo Florence n01.jpg|jan Mikelanselo li pali e sitelen musi ni la, jan Nikotemu (Nikodemus) li sama jan Mikelanselo tawa lukin
File:Firenze.Palvecchio.500.Michelangelo2.JPG|''kiwen jan pi utala pini pona'' (tenpo sike nanpa 1534)
File:Pietà per Vittoria Colonna.jpg|''jan Malija li pilin ike.'' jan Mikelanselo li pali e sitelen ni tawa jan Witolija Kolona (Vittoria Colonna) (lon poka pi tenpo sike nanpa 1540)
File:Michelangelo pietà rondanini.jpg|''jan Malija li pilin ike lon ma Lontanini (Rondanini).'' (tenpo sike nanpa 1552–1564)
</gallery>

[[kulupu:jan]][[kulupu:jan pi ma Italija]][[kulupu:tan lipu Wikipedia]]