jan Misima Jukijo
jan Misima Jukijo (toki Nijon: 三島 由紀夫, Mishima Yukio) li jan suli pi sitelen toki tan ma Nijon. ona li pali e toki musi e sitelen pi kalama pona e toki pi pali musi.
| jan Misima Jukijo
三島 由紀夫 | |
|---|---|
| |
| ma | ma Nijon |
| pali | jan pi sitelen toki |
| kama lon | ma Nijon
1925 |
| moli | ma Nijon
1970 |
| kulupu | kulupu Tatenoki (楯の会) |
| sitelen nimi | |
| |
ona li jan pi nasin pi wawa pi ma Nijon. ona li wile e ni: jan pi ma Nijon li anpa tawa jan lawa mama pi ma Nijon. kin la, ona li wile awen e nasin kulupu pi ma Nijon. tan ni la, ona li open e kulupu utala ona. ni li kulupu Tatenoki (楯の会, Tatenokai), anu "kulupu pi ilo awen utala". tenpo suno nanpa 25 pi tenpo mun nanpa 10 pi tenpo sike nanpa 1970 la, kulupu ona li tawa tomo pi kulupu utala lawa, li lanpan e jan lawa ona. ni li tan ni: jan Misima li wile lawa e jan utala li wile weka e kulupu lawa pi ma Nijon lon poka ona. taso jan utala li pilin e ni: ona li ike nasa. ona li toki ike tawa ona. tan ni la, jan Misima li weka li moli e ona sama.