sina ante e lipu "jan Wilijan Sepija"

[[File:Shakespeare.jpg|thumb|sitelen pi jan Wilijan Sepija]]
'''jan Wilijan Sepija''' li kama lon tenpo sike nanpa 1564 lon ma tomo Lapo li moli lon sike suno nanpa 1616 lon ma tomo sama. [[ma Inli]] la ona li sitelen e [[toki musi]] li jan pi toki musi. tenpo ni la toki musi ona li suli lon ma ale. tenpo mute la jan li musi e sitelen musi ona li [[sitelen tawa]] e ona.

jan ante mute pi sitelen musi li lili. ona li suli.

== kama ==
jan li sona ala e tenpo suno ni: jan Wilijan Sepija li kama lon. ona li kama jan lili Kolisu lon tenpo sike nanpa 1564. mama mije ona li jan Son Sepija, mama meli ona li jan Meli Aten li tan [[kulupu mama]] mani. [[tomo sona]] la jan Wilijan Sepija li kama sona e [[nasin toki|toki]] pi tenpo pini e tenpo pini e nasin kulupu pona e nasin pi sitelen musi. ni la ona li kama sona e nasin pi pali musi pi tenpo pini.

ona li suli pi sike suno 18, la ona li kama [[kulupu olin]] pi jan An Asawe. ona meli li tan kulupu mama pi pali ma. tan unpa ona jan lili mute ni li kama lon: meli lili Susana, mije lili Anne, meli lili Susi. jan Anne li jo e suli pi sike suno 11 taso, la ona li kama moli tan ijo weka.

tenpo sike nanpa 1592 la [[ma tomo Lantan]] la jan Wilijan Sepija li lon kulupu pi pali musi lon tomo pi jan lawa pi ma Inli.

== jan pi sitelen musi, jan pi pali musi, jan esun ==
jan Wilijan Sepija li pana e mani e sitelen musi tawa kulupu ona pi pali musi li pali musi lili lon ona. sitelen ona pi pali musi li kama pona mute tawa jan.

sike suno nanpa 1596 la jan Wilijan Sepija li kama jo e tomo pi pali musi lon poka pi jan ante. tomo ni li jo e sewi pi open ala. kepeken ni la kulupu li ken pali musi lon tenpo lete. jan pi kama pona li wile pana e mani mute.

sike suno nanpa 1599 la kulupu pi jan Wilijan Sepija li kama e tomo pi pali musi. jan Wilijan Sepija li kama jo e ona lon poka pi jan ante. kepeken ni la jan Wilijan Sepija li kama jo e mani e wawa.

== pini ==
sike suno nanpa 1608 la jan Wilijan Sepija li kama lon tomo lon ma tomo Lapo lon tenpo sin. ona li awen jan pona pi jan sama pi pali musi li tawa ma tomo Lantan lon tenpo mute li pana e pona tawa pali musi pi ona mute.


[[kulupu:jan|Wilijan Sepija]]
[[kulupu:jan pi ma Inli]]
[[kulupu:jan pi sitelen toki]]
[[kulupu:jan pi toki musi]]
[[kulupu:lipu ni li tan lipu Panton la o lukin]]