sina ante e lipu "jan Winsen Tan Kowe"

{{poki sona jan|
| nimi jan               = jan Winsen Tan Koje
| nimi mama              = Vincent Willem van Gogh
| sitelen                = [[sitelen:Vincent van Gogh - Self-Portrait - Google Art Project.jpg|250px]]
| kalama                 = [ˈvɪnsənt ˈʋɪləm vɑŋ ˈɣɔx]
| ma                     = [[ma Netelan]]
| pali                   = jan pi sitelen kule
| ma pi kama lon         = ma Netelan
| tenpo sike pi kama lon = 1853
| ma moli                = [[ma Kanse]]
| tenpo sike moli        = 1890
| jan olin               =
| mama                   =
| kulupu mama            = [[jan Tejo Tan Kowe]] (mije sama)
| sitelen nimi           =
}}
{{nimi ijo|'''jan Winsen Tan Koje'''|Vincent Willem van Gogh|ipa=[ˈvɪnsənt ˈʋɪləm vɑŋ ˈɣɔx]|toki Netalan}} li kama sin lon tenpo sike nanpa 1853, li moli lon tenpo sike nanpa 1890. ona li jan musi, li pali e sitelen kule la ona li jan musi suli tawa tenpo tawa poka ma pi suno pini. kepeken tenpo sike luka luka la, ona li pali e sitelen 2100. ona li sitelen e ma, e ijo pi tawa ala, e jan, e ona sama. sitelen ni la, ona li kepeken kule wawa suli, li kepeken linja pi tawa wawa. ona li kama jo e mani ala tan ni, li moli e ona sama tan lawa nasa tan pilin ike mute tan mani ala.

sin ona la, kulupu ona li mani mute pi mani mute suli ala. jan Winsen li lili la, ona li open e sitelen, li kalama lili, li kepeken insa lawa mute, li pana e pilin musi nasa ala. ona li kama suli la, ona li esun e sitelen, li tawa ma mute. taso ona li kama lon [[ma tomo Lonton]] la, pilin ona li kama ike. ni la, ona li kama kepeken nasin sewi, li pana e nasin sewi lon [[ma Pesije]]. sijelo ona li kama ike. ona li lon kulupu ala. ona li kama sin lon kulupu mama ona la, ona li open e sitelen kule lon tenpo sike nanpa 1881. jan sama ona lili Tejo (Theo) li pana e mani tawa ona. jan Winsen en jan Tejo li toki kepeken lipu lili tawa lon tenpo mute. pali musi ona open li sitelen e ijo pi tawa ala, e jan pali pan lon tenpo mute, li kepeken kule wawa mute ala. tenpo sike nanpa 1886 la, ona li kama lon [[ma tomo Paki]] (Paris), li kama sona e jan musi ante. jan ni li utala musi e nasin musi pi tenpo ni. nasin sama la, jan Winsen li ante e nasin ona, li pali e nasin sin tawaw sitelen ona. ona li kepeken kule wawa. ona li kama lon ma tomo Akele (Arles) lon tenpo sike nanpa 1888 la, nasin ona li kama wawa, li kama pini. ona li sitelen e kasi kiwen, e ma pan, e kasi pi sama suno.

tenpo mute la, lawa pi jan Winsen li sona ala e lon, e lon ala. ona li wile pona e lawa ona. taso ona li pona ala e sijelo ona lon tenpo mute sama ni: ona li moku ike, li moku e telo nasa. jan pona ona Kokan li kama jan pona ona ala tan tenpo ike. tenpo ike ni la, jan Winsen li weka e kute wan ona tan lawa ona kepeken ilo pi weka linja. ona li tawa tomo pipona sijelo pi pona lawa. tenpo la, ona li weka tan tomo ni, li tawa tomo lon ma tomo Owe Lon Wase lon poka pi ma tomo Paki. pilin ike ona li awen. jan sona la, ona li pakala e sijelo sinpin ona kepeken ilo alasa pi kiwen lili moli tenpo suno nanpa 27 pi tenpu mun nanpa luka tu pi tenpo sike nanpa 1890. tenpo suno tu li pini la, ona li moli tan pakala ni.

tenpo pini la, pali pi jan Winsen li pona ala tawa kulupu. kulupu la, ona li jan pi nasa mute, li jan anpa. moli ona la, jan mute li kama sona e ona. pali ona li kama pona mute tawa jan ni, li kama mani mute. pilin pi jan mute la, pakala lawa en musi pona mute li kama tan sama. 

tenpo ni la, sitelen kule ona li lon kulupu sitelen pi mani nanpa suli. tomo pi sona awen li awen e kulupu sitelen ona pi mute nanpa suli, li kepeken nimi ona.

[[kulupu:jan]]
[[kulupu:jan pi sitelen kule]]
[[kulupu:tan lipu Wikipedia]]