jan mute pi sijelo wan

sijelo jan pi mute lili li ken jo e jan mute. jan ni la nimi li ken jan mute pi sijelo wan li ken kulupu. kulupu li lili li ken suli.

kulupu li ken pana anu pana ala e sona li pali. tenpo mute la jan pi kulupu sijelo li jo e nimi ante e wile ante e sona ante e suli tenpo ante. jan ante pi kulupu sijelo li ken olin e jan ante. tenpo ante la jan ante li lawa e sijelo ona. jan mute li ken lawa e sijelo lon tenpo wan.

ijo sin li ken kama lon kulupu tan ijo mute. tenpo mute la ijo kulupu li kama tan tenpo ike mute. taso ijo kulupu li kama tan tenpo pona kin.

kulupu pi toki pona en kulupu tonsi li jo e kulupu mute.

pilin pi kulupu misikeke tawa kulupu

pilin mute pi kulupu misikeke tawa kulupu li ike. pini la jan pi misikeke lawa li pilin e ni: sijelo jan ale li jo jan wan. ona pilin e ni: jan mute pi sijelo wan li lon ala tawa ona li nasa anu ike. jan li kepeken e nimi misikeke Inli: "multiple personality disorder", "split personality disorder" anu "dissociative identity disorder". ni la jan mute li pilin ike tawa kulupu.

tan ni kulupu mute lon kulupu kulupu li pilin ike tawa kulupu misikeke.