jan sewi Juno
jan sewi Juno (toki Lasina: Iūnō) li jan sewi pi nasin sewi Loma. ona li lawa e kama wan pi jan olin tu e kama pi jan lili li jan lawa pi jan sewi. ona li jo e waso kule. mije ona en jan sama ona li jan sewi Jupite. jan lili ona li jan sewi Masi li jan sewi Pukan li jan sewi Pelona li jan sewi Juwenta. jan li pana e nimi Regina tawa ona. ni li jo e kon pi meli lawa. nimi Lasina ona li kama tan nimi iuvenis. ni li jo e kon pi jan sin. nasin sewi Elena la ona li jan sewi Hela. ilo tenpo Loma la nimi pi tenpo mun luka wan li nimi iūnius tan jan sewi Juno.