jan sewi Jupite

sitelen kiwen pi jan sewi Jupite lon ma tomo Paki

jan sewi Jupite anu jan sewi Jowi (toki Lasina: Iūpiter anu Iuppiter anu Iovis) li jan sewi pi nasin sewi Loma. ona li jan sewi pi kon sewi li jan sewi pi seli sewi li jan sewi pi kalama sewi. kin la ona li jan lawa pi jan sewi li kama jan lawa sewi pi ma Loma. sitelen ona li waso alasa suli. mama mije ona li jan sewi Satunu. mama meli ona li jan sewi Opi. meli ona en jan sama ona li jan sewi Juno. jan ni li mama pi jan sewi Loma mute. ona en jan sewi Juno en jan sewi Minewa li jan sewi tu wan pi nena Kapitolinu.

nimi

nimi Lasina ona li tan nimi *djous-pater. ni li jo e kon pi mama mije sewi. nasin sewi Elena la ona li jan sewi Seju. nimi pi mun Jupite li kama tan jan sewi Jupite.