ma Loma pi tenpo pini

ma Loma
Roma
ma Loma Roma
ma tomo lawa	ma tomo Loma
ma suli	ma Elasija en ma Apika
toki lawa	toki Lasina
tenpo open	sike suno nanpa 753 BCE
tenpo pini	sike suno nanpa 1453 CE

lipu ni li toki lon ma lawa suli pi tenpo pini. sina wile sona lon ma tomo la o lukin e lipu "ma tomo Loma".

ma Loma (toki Lasina: Roma) li ma pi tenpo pini. jan pi ma Loma li toki Lasina. toki Lasina la nimi pi ma Loma li Imperium Romanum. nimi lili la ona li Roma.

ma tomo Loma li ma tomo lili pi kulupu jan Lasina. ma tomo Loma la kulupu jan Lasena en kulupu jan ante li utala. taso ma tomo Loma la kulupu Lasena li pakala e jan ante li kama lawa e jan ante. ma tomo Loma li kama suli mute li kama ma tomo lawa suli. ona li kama lawa e ma mute.

tenpo suli tu wan li lon ma Loma. tenpo nanpa wan la ma Loma pi jan lawa wan (toki Lasina: Regnum Romanum) li lon. tenpo nanpa tu la ma Loma pi lawa kulupu (toki Lasina: Senatus Populusque Romanus) li lon. tenpo nanpa tu wan la ma suli Loma (toki Lasina: Imperium Romanum) li lon.

ma Loma li suli mute li wawa mute li lawa e ma mute pi ma Elopa. tenpo wawa la, ona li lawa e ma mute pi ma Elopa e ma lili pi ma Asija e ma lili pi ma Apika. lawa ona li open alasa pi nasin sewi Kolisu la, nasin sewi Kolisu li tawa mute.

tenpo pini[o ante | o ante e toki ilo]

sike suno nanpa 117 la ma Loma li suli mute

tenpo open[o ante | o ante e toki ilo]

tenpo open la ma Loma li jo e jan lawa wan lon tenpo wan. lawa ni li ante lon tenpo. tenpo pi jan lawa Loma li open lon sike suno nanpa 753 BCE li pini lon ona nanpa 509 BCE. tawa toki pi tenpo pini la sike suno nanpa 753 BCE la jan lawa Lomulu li mama e ma tomo Loma. ona li jan lawa ni nanpa open. tan sike suno nanpa 753 BCE tawa ona nanpa 716 BCE la ona jan lawa pi ma Loma. jan Liwi li toki mute e jan Lomulu.

ni li kulupu nimi pi jan lawa pi ma Loma. sona li tan jan Liwi.^[1]


nimi pi toki Lasina	nimi pi toki pona	nanpa pi sike suno lawa	sona
Romulus	jan Lomulu	c. 753 - 716 BCE	ona li moli e jan sama ona Lemu li kama lawa nanpa open.
Numa Pompilius	jan Numa Ponpiliju	c. 716 - 672 BCE	ona li mama e nasin sewi mute pi ma Loma.
Tullus Hostilius	jan Tulu Otiliju	c. 672 - 640 BCE	jan Tulu li utala e ma Apalonka. ma Loma li sewi lon utala.
Ancus Marcius	jan Anku Makiju	c. 640 - 616 BCE	jan Anku li utala e ma tomo ante pi kulupu Lasina.
Lucius Tarquinius Priscus	jan Lukiju Takiniju Piku	c. 616 - 578 BCE	ona li tan ma Elulija (toki Lasina: Etruria). mama pi mama ona li jan Numa.
Servius Tullius	jan Sewiju Tuliju	c. 578 - 534 BCE	jan Luku Takiniju Supepuli li moli e ona.
Lucius Tarquinius Superbus	jan Lukiju Takiniju Supepu	c. 534 - 509 BCE	ona li jan lawa ni nanpa pini.

tenpo pi lawa kulupu[o ante | o ante e toki ilo]

sike suno nanpa 509 BCE la, jan Lusiju Juniju Putu li lon. ona li mama e lawa kulupu.^[1] tenpo pi lawa kulupu la jan tu li jan lawa pi ma Loma. tenpo pi lawa kulupu li open lon sike suno nanpa 509 BCE li pini lon ona nanpa 23 BCE.

tenpo pi jan wan lawa[o ante | o ante e toki ilo]

tenpo pi ma wan[o ante | o ante e toki ilo]

sike suno nanpa 27 BCE la jan Okuse li kama jan nanpa wan (toki Lasina: Princeps) pi ma Loma.^[2] ni li open sin tenpo pi jan wan lawa. kulupu pi jan Okuse li lawa e ma Loma tawa sike nanpa 68 CE. tenpo ni la jan Nelo li kama lawa ala la kulupu ante li kama lawa. sike nanpa 293 la jan lawa Diocletian li open e nasin lawa pi jan tu tu (toki Elina: τετραρχία). sike nanpa 324 la jan lawa Kotani li open e ma tomo Kotasinopu. ona li pali e ma tomo ni tawa ma tomo lawa pi ma Loma. tenpo pi jan lawa wan li awen lon tawa sike nanpa 395.

tenpo pi ma tu[o ante | o ante e toki ilo]

sike suno nanpa 395 la jan lawa Sijotosiju nanpa wan pi ma Loma li moli. ni la ma Loma li kama tu. sike nanpa 476 la jan pi kulupu Keman li pakala li lawa e ma Loma nanpa wan.

tenpo pi ma Loma nanpa tu[o ante | o ante e toki ilo]

taso ma Loma nanpa tu li awen. tenpo lon la nimi sin pi ma Loma nanpa tu li ma Pasileja Loma. tenpo mute la ma Pasileja Loma li lon. taso sike suno nanpa 1453 la jan pi kulupu Tuki li pakala li lawa e ma Pasileja Loma.

nasin sewi[o ante | o ante e toki ilo]

jan Okuse li jan sewi pi suli mute (Pontifex Maximus) lon ma Loma

tan tenpo open pi ma Loma la nasin sewi lawa pi ma Loma li nasin sewi Loma. jan lawa Nelo en jan lawa Tomisijan li lawa la, jan Loma li alasa e jan pi nasin sewi pi jan Jesu. tenpo pi jan lawa Konasi la nasin sewi lawa pi ma Loma li kama nasin sewi pi jan Jesu.

tenpo ni[o ante | o ante e toki ilo]

tenpo pini la ma Loma li lawa e ma Epanja e ma Potuke e ma Italija e ma Kanse e ma Lominija e ma Kinla e ma Inli e ma ante. tenpo lon la ona ale li ma ante.