tenpo linja pi tenpo pini pi ma Loma

lipu ni li toki lon tenpo linja. sina wile sona lon ma pi tenpo pini la, o lukin e lipu ni: ma Loma pi tenpo pini.

lipu ni li wile e pali. sina ken pona e ona.

sitelen Lapalum (toki Lasina: Labarum) pi ma Loma.

ni li tenpo linja pi tenpo pini pi ma Loma. tenpo open pi ma tomo Loma la ona li open. tenpo pi tawa anpa pi ma tomo Konsansinopoli la ona li pini. sina wile sona e sona mute pi ma Loma pi tenpo pini la o lukin e lipu pi ma Loma pi tenpo pini.

tenpo suno sike	kama seme
753 BCE	open pi ma tomo Loma. tan nasin majuna pi ma Loma, jan Lomulu li mama pi ma tomo Loma li jan lawa nanpa wan pi ma Loma.
752 BCE	unpa wawa ike tawa mije Sapina.
715 BCE	jan Numa Popilu li kama pi jan lawa nanpa tu pi ma Loma.
673 BCE	jan Tulu Otilu li kama pi jan lawa nanpa tu wan pi ma Loma.
642 BCE	jan Anku Maku li kama pi jan lawa nanpa tu tu pi ma Loma.
616 BCE	jan Luku Takinu Piku li kama pi jan lawa nanpa luka pi ma Loma.
578 BCE	jan Sewiju Tuwiju li kama pi jan lawa nanpa luka wan pi ma Loma.
535 BCE	jan Luku Taku Supepu li kama pi jan lawa nanpa pini pi ma Loma.
509 BCE	tenpo pini pi tenpo pi jan wan lawa pi ma Loma: jan lili pi jan Luku Taku Supepu li unpa wawa ike e jan Luketija. jan Luku Junu Putu en jan kulupu pi ma Loma li kama jo e lawa pi ma Loma. ni li tenpo open pi tenpo pi kulupu lawa pi ma Loma. tenpo ni la ma Loma jo e jan lawa Konsul tu.
390 BCE	jan kulupu Senone li pakala e ma tomo Loma.
280 BCE	utala pi jan Puru li open.
264 BCE	utala nanpa wan pi ma Loma en ma Katako li open.
218 BCE	utala nanpa tu pi ma Loma en ma Katako li open.
149 BCE	utala nanpa tu wan pi ma Loma en ma Katako li open.
146 BCE	jan Loma li pakala e ma tomo Loma.
100 BCE	jan Juliju Kesali li kama lon.
91 BCE	utala kulupu li open.
88 BCE	jan Sula li tawa tawa ma tomo Loma.
82 BCE	jan Sula li kama jan lawa pi ma Loma.
81 BCE	jan Sula li weka e lawa pi ma Loma pi ona.
63 BCE	kulupu ike pi jan Katalina.
60 BCE	kulupu pi jan tu wan nanpa wan li open.
53 BCE	utala pi ma Karej.
49 BCE	jan Juliju Kesali tawa telo Lupikon: utala insa pi ma Loma li open.
44 BCE	jan kulupu lawa pi ma Loma li moli e jan Juliju Kesali.
31 BCE	utala pi ma Aktiju la jan Okuse li wawa.
27 BCE	jan Okuse li kama jan lawa pi ma Loma. ni li tenpo pini pi tenpo pi kulupu lawa pi ma Loma.
9 CE	utala pi ma kasi Tutope: kulupu utala pi ma Loma li wawa ala.
13 CE	jan Tipeliju li kama jan lawa.
14 CE	jan Okuse li moli.
38 CE	jan Kalikula li kama jan lawa.
41 CE	jan Kalikula li moli. jan Kawutiju li kama jan lawa.
43 CE	kulupu utala pi ma Loma li utala e ma Juke pi tenpo ni.
54 CE	jan Newo li kama jan lawa.
68 CE	jan lawa Newo li moli.
69 CE	tenpo sike suno pi jan lawa tu tu.
98 CE	jan Tajanu li kama jan lawa.
117 CE	ma Loma li suli mute pi tenpo ale.
235 CE	kama ike pi tenpo suno sike mute nanpa tu wan li open.
284 CE	kama ike pi tenpo suno sike mute nanpa tu wan li pini. jan Tijoketijan li kama jan lawa.
293 CE	jan lawa Tijoketijan li open e nasin pi jan lawa tu tu.
325 CE	kulupu lawa pi ma Nikaja li lon.
330 CE	jan lawa Kotati li tawa ma tomo lawa pi ma Loma tawa ma tomo Pisatijum li ante e nimi pi ma tomo ni tawa Konsansinopoli (toki Lasina: Constantinopolis).
337 CE	jan lawa Kotati li moli.
380 CE	jan lawa Tewotosiju li pali e toki suli pi ma tomo Tesalonika. toki suli li toki e ni: nasin pi jan Jesu li nasin sewi lawa pi ma Loma.
395 CE	jan lawa Tewotosiju li tu e ma Loma.
402 CE	jan lawa Onoliju li tawa e ma tomo lawa pi ma Loma pi tawa suno pini tawa ma tomo Lawena.
410 CE	kulupu Tosi li pakala e ma tomo Loma.
423 CE	jan lawa Onoliju li moli.
476 CE	jan Otoase li pakala e ma tomo Loma. tan nasin la ni li pini pi ma Loma pi tawa suno pini. jan lawa Lomulu Akusulu li kama pi jan lawa ala. jan Otoase li kama jan lawa.
527 CE	jan Jutinijan suli li kama jan lawa pi ma Loma.
1204 CE	tawa utala pi nasin pi jan Jesu nanpa tu tu la jan utala pi nasin pi jan Jesu li pakala e ma tomo Konsansinopoli. tenpo ni la ma Loma li lon ma Nikaja.
1261 CE	jan lawa Mikel pi ma Nikaja li kama jo e ma tomo Konsansinopoli.
1453 CE	kulupu jan Osuman li kama jo e ma tomo Konsansinopoli.