lipu "jan sewi Jupite" la tenpo tu la ante li ni

'''jan sewi Jupite''' anu '''jan sewi Jowi''' (toki Lasina: ''Iūpiter'' anu ''Iuppiter'' anu ''Iovis'') li jan sewi pi [[nasin sewi pi ma Loma|nasin sewi Loma]]. ona li jan sewi pi kon sewi li jan sewi pi seli sewi li jan sewi pi kalama sewi. kin la ona li jan lawa pi jan sewi li kama jan lawa sewi pi [[ma Loma pi tenpo pini|ma Loma]]. sitelen ona li waso alasa suli. meli ona en jan sama ona li [[jan sewi Juno]]. jan ni li mama pi jan sewi Loma mute. mama mije ona li [[jan sewi Satunu]]. mama meli ona li [[jan sewi Opi]]. ona en [[jan sewi Juno]] en [[jan sewi Minewa]] li jan sewi tu wan pi nena Kapitolinu. nimi Lasina ona li tan nimi ''*djous-pater''. ni li jo e kon pi mama mije sewi. nasin sewi Elena la ona li [[jan sewi Seju]]. nimi pi [[mun Jupite]] li kama tan jan sewi Jupite.