jan utala li tawa noka weka mute lon ma Sonko

[(image:tawanokamute.png|frame|jan utala pi nasin pali)]

toki Sonko la, nimi pi tawa noka ni li 長�?, Chángzhēng.

tenpo pini la, kulupu lawa Komintan li lawa e ma Sonko. ona li lawa kepeken nasin mani. jan pali li lon. nasin mani li pona ala tawa ona mute. ona li wile lawa kepeken nasin pali li pali e kulupu lawa sin li utala e kulupu lawa Komintan. nimi li kulupu lawa pi nasin pali.

kulupu lawa pi nasin pali li lon ma Jansi pi ma Sonko. kulupu utala Komintan li utala e ona mute li suli. kulupu utala pi nasin pali li lili. kulupu utala pi nasin pali li tawa weka mute tawa ni: jan utala pi kulupu Komintan li pakala ala e ona mute. ona li sike wan e suno la, ona li tawa noka. ona li tawa mute mute. ona li tawa lon nena suli li tawa lon lete li tawa lon seli. jan mute li moli. ona li tawa la, jan Ma Seton li lawa e ona. ona li tawa la, ona li weka e ma e ijo e ilo utala tan jan lawa utala pi ma Sonko. jan pali li kama poka ona. ona li tawa lon ma luka luka wan pi ma Sonko li tawa.

tenpo ni la, kulupu lawa pi nasin pali li lawa e ma Sonko. toki pi tawa noka li pona mute tawa ona li suli mute tawa ona.

[(category:tenpo pini)] [(category:ma Sonko)] en:Long March de:Langer_Marsch fr:Longue marche (histoire de chine) [(category:utala)]