kasi pi moku soweli

kasi pi moku pipi anu kasi pi alasa pipi li pali e ni: pipi ani akesi lili li pilin e ona la kasi ni li moku e ona.

kasi ni li pali e ni tan ni: ma li ike li telo li jo ala e moku.

kasi pi moku pipi li mute li ante. kasi li tawa. kasi ante li tawa ala.

kasi pi poki alasa

kasi pi poki alasa li jo e poki. poki ni li alasa e pipi.

selo poki li jo e ko suwi. ko ni li pona tawa pipi li kama e ni: pipi li tawa lon poki. pipi ni li kama moli telo lon telo poki.

tenpo pini la poki ni li lipu kasi. ona li kama ante li kama lipu kasi poki.

kasi pi linja ko

kasi pi linja ko li jo e ko lon linja ona. ko ni li pali e ni: pipi li pilin e ona la pipi li ken ala tawa. linja li tawa pipi li sike ona. pipi li moli li kama telo. kasi li moku e telo ni kepeken selo ona.