kulupu (sona nanpa)

kulupu li ijo lon sona nanpa. kulupu li jo e ijo mute. ijo li lon kulupu la, ona li ijo. ale li ken ijo lon kulupu. sona ni li sona kulupu nanpa.

ijo A li lon kulupu B la, A ∈ B. ijo A li lon ala kulupu B la, A ∉ B.

ijo ale pi kulupu A li sama ijo ale pi kulupu B la, kulupu tu ni li sama. ni la, A = B.

ijo ale pi kulupu A li lon kulupu B la, kulupu B li kulupu suli pi kulupu A, anu kulupu A li kulupu lili pi kulupu B. ni la, B ⊇ A anu A ⊆ B.

kulupu A li kulupu lili pi kulupu B, taso kulupu A li kulupu B ala la, kulupu B li kulupu suli lon pi kulupu A, anu kulupu A li kulupu lili lon pi kulupu B. ni la, B ⊋ A anu A ⊊ B.