kulupu (sona nanpa)
Jump to navigation
Jump to search
kulupu li ijo lon sona nanpa. kulupu li jo e ijo mute. ijo li lon kulupu la, ona li ijo. ale li ken lon kulupu. sona ni li sona nanpa kulupu.
ijo A li lon kulupu B la, A ∈ B. ijo A li lon ala kulupu B la, A ∉ B.
ijo ale pi kulupu A li sama ijo ale pi kulupu B la, kulupu tu ni li sama. ni la, A = B.
ijo ale pi kulupu A li lon kulupu B la, kulupu B li kulupu suli pi kulupu A, anu kulupu A li kulupu lili pi kulupu B. ni la, B ⊇ A anu A ⊆ B.
kulupu A li kulupu lili pi kulupu B, taso kulupu A li kulupu B ala la, kulupu B li kulupu suli lon pi kulupu A, anu kulupu A li kulupu lili lon pi kulupu B. ni la, B ⊋ A anu A ⊊ B.
kulupu li jo e ala la, ona li kulupu weka. sitelen ni li ∅.