kulupu pi kule olin

kulupu kule li nimi pi jan pi olin anu unpa e jan ante tawa jan mute anu lon ante tawa meli en mije. ken la, ona li jo e jan ni:

• mije pi olin e mije
• meli pi olin e meli
• jan pi olin e mije e meli
• tonsi (ken la, jan ni li mije ala li meli ala)
• jan pi wile unpa ala

len sitelen kule. nimi "kule" lon toki pona li kama tan kule pi len ni.

toki Inli la, jan li kepeken e nimi ni: "LGBT". ni li lili tan Lesbian (meli pi olin e meli), Gay (mije pi olin e mije), Bisexual (jan pi olin e mije e meli), en Transgender (tonsi). tenpo mute la, ona li jo e sitelen ante, sama e LGBTQ e LGBT+ e LGBTI anu ante. toki pona la, nimi "kule" li kepeken tan ni: len sitelen ona li jo kule mute.

tenpo mute en ma mute la, jan li ike tawa jan kule. taso, jan kule li pali tawa kama jo pona en ken lon kulupu jan.