ma Insijena
jan li wile e ni: lipu ni en lipu "ma Usali" li kama wan. (o toki). |
ma Insijena (toki Inli: Indiana) anu ma Insijana anu ma Usali li ma lili pi ma Mewika. ma tomo lawa ona li ma tomo Insijenapoli. ma Insijena li luka e ma Misikan, e ma Ilino, e ma Kentaki, e ma Owajo, e telo Misikan.
ma Insijena
Indiana | |
---|---|
ma lili | |
len ma |
sitelen lawa |
ma tomo lawa | ma tomo Insijenapoli |
ma suli | ma Mewika |
toki lawa | toki Inli |
ISO 3166 | US-IN |
- ike la lipu ni li lili. sina wile pona e ona la sina ken suli e ona.
nimi
tan pi nimi Insijena
nimi Insijena li tan nimi Inli "Indiana." toki Inli la nimi "Indiana" li sama "ma pi jan tan" anu "ma "Indian.""
tan pi nimi Usali
toki Inli la nimi Usali li "Hoosier." toki Inli la jan pi ma Insijena li jan Usali. jan ala li sona e tan pi nimi Usali. nimi Usali la kulupu pi tenpo pini pi ma Insijena (Indiana Historical Bureau) li toki e ni: nimi Usali li tan ma Wesinja, li tan ma Kentaki, li tan ma Nokewalana, li tan ma Sakewalana, li tan ma Tenesi. ken la nimi Usali li ike, li pana tawa jan nena.
tenpo pini
jan tan
tenpo pi kiwen pi telo lete li pini la, ijo lon li ken tawa ma ale. tenpo sike pini 10,000 la kulupu jan pi nanpa wan li tawa ma Insijena nimi. kulupu ni li pali ala e ma tomo. kulupu ni li alasa e soweli suli, e kili pi jan ala, e kasi pi jan ala. kulupu ni li pali e ilo kepeken kiwen pakala.
tenpo sike pini 6,000 la kulupu lon ma ni li kama pali e nena ma tan ni: kulupu li tawa nena e moli ona. kin la kulupu li tawa nena ante e ijo pakala, e wan mute pi soweli moli, e ilo pakala. kulupu li pali e tomo awen, e kulupu tomo.
tenpo sike pini 3,000 la kulupu li kama pali e poki kepeken ko ma. kulupu li kama suli e kasi sama ni: kasi ni li palisa nena jelo. kin la kasi ante li sike pi jelo loje pi insa ko.
jan Elopa li kama
tenpo sike pi nanpa 1679 la jan Kanse li kama lon ma Insijena nimi. tenpo ni la ma pi kama Kanse li kulupu tomo Sapen lon telo linja Senjose.
tenpo sike pi nanpa 1715 la jan Kanse li pali e tomo pi awen utala Mijami lon kulupu tomo Kekijonka. tenpo ni la tomo Kekijonka li tomo Powejen.
ma li sama ni
telo linja
telo linja mute li lon ma Insijena.
telo linja ni li tawa telo Iwi:
- telo Mami
- telo Senjose (tawa telo lili suli Iwi)
- telo Senamawi
telo linja ni li tawa telo Misikan:
- telo Senjose (tawa telo Misikan)
telo linja ni li tawa telo linja Misisipi:
- telo Owajo
- telo Wapasi
- telo walo
- telo Wapawani
- telo Ankasaka
- telo walo
- telo Wapasi
kulupu tomo
kulupu tomo mute li lon ma Insijena.
- tomo Insi
- tomo Powejen
- tomo Epanwi
- tomo Sapen
- tomo Kamele
- tomo Pisasa
- tomo Pulominton
- tomo Amon
- tomo Lapaje
- tomo Nopeli
- tomo Kewi
- tomo Munsi
- tomo Kinwa
- tomo Kokomo
- tomo Tewajo
musi
musi sijelo
kulupu pi musi sijelo li musi tan mani lon ma Insijena.
kulupu musi | wan musi | kulupu pi kulupu musi |
---|---|---|
kulupu Kota | sike palisa | kulupu pi kulupu musi pi sike palisa pi ma lawa |
kulupu Pesa | sike poki | kulupu pi kulupu musi pi sike poki pi ma lawa |
kulupu Pipa | sike poki | kulupu pi kulupu musi meli pi sike poki pi ma lawa |
kulupu Insijan | lipu tu tu | |
kulupu Matanta | sike poki | |
kulupu Elewen | sike noka |
ma Ajowa · ma Akanso · ma Alaka · ma Alapama · ma Awawi · ma Ewisona · ma Etajo · ma Ilino · ma Insijena · ma Juta · ma Kaliponija · ma Kanesika · ma Kansa · ma Kentaki · ma Kolowato · ma Lowita · ma Luwisijena · ma Masasusi · ma Men · ma Mewilan · ma Minisota · ma Misikin · ma Misisipi · ma Montana · ma Nepaka · ma Niwata · ma Nokawelana · ma Notakota · ma Nujo · ma Numesiko · ma Nusesi · ma Nuwanse · ma Okajoma · ma Otawan · ma Owajo · ma Okan · ma Pensiwenja · ma Sakawelana · ma Satakota · ma Sosa · ma Telawe · ma Tenesi · ma Tesa · ma Wajomin · ma Wasinton · ma Wemon · ma Wesinja · ma Wewesinja · ma Wikansen