ma Mewika

tan Wikipesija
o tawa poki nasin o tawa alasa
Edit-clear.svg lipu ni li wile e pali. sina ken pona e ona.
ma Mewika

United States of America

Flag of the United States.svg

len ma

Greater coat of arms of the United States.svg

sitelen lawa

kalama musi ma

USA orthographic.svg
ma tomo lawa ma tomo Wasinton
ma suli ma Amelika
toki lawa ala
toki ante toki Inli
mani mani pi ma Mewika ($) (USD)
ISO 3166 US
lipu ni li toki lon ma lawa. sina wile e ma suli la o lukin e lipu ni: ma Amelika.

ma Mewika li ma suli lon ma Amelika. toki Inli la jan li pana e nimi the United States of America tawa ona. ona li jo e ma lili mute e ma tomo lawa wan e ma lili weka mute e ma lili mute pi kulupu Mewika Insija. ma en kulupu en mani en wawa la ona li suli mute a. ma tomo Sisi li ma tomo lawa. mute jan la ma tomo Nujo li nanpa wan.

tenpo pini[o ante | o ante e toki ilo]

tenpo pi pini mute la kulupu nanpa wan pi ma Amelika li kama lon ma Amelika tan ma Sipi. tenpo pi pini lili la kulupu Elopa li kama. ma Juke li pali e ma sin lon ma Amelika lon poka pi telo Alansi. ni li ma Mewika sin. taso jan pi ma Mewika la ma Juke li lawa ike e ma sin. kulupu Mewika li wile weka tan ma Juke li utala e ona. mama pi ma Mewika li pali e lipu lawa suli e lawa pi ken jan.

kulupu Mewika li tawa telo Pasipi li weka e kulupu Mewika Insijan tan tomo ona li pali e ma tu sin. jan li ken poki e jan ante. jan mute li pilin ike tawa ni. taso jan mute li pilin pona tawa ni. ma tu li utala. ma pi poki ala li anpa e ma poki. jan li ken ala poki e jan. taso lawa li awen ken e poki jan li awen ken e lawa pi pali ona.

kulupu Mewika li pilin ike mute tawa ma Sesesele. utala lete la ona li utala e ona. taso ona li kepeken ala ilo utala. ona li lawa e ma ante. ma ni li utala ilo. jan pi ma Mewika li tawa kon mun tawa mun mi. kulupu utala pi ma Mewika li suli mute li wawa mute li utala e ma ante.

jan li lawa e jan lawa pi ma Mewika. ma Mewika li wawa mute li lawa e ijo mute. kulupu mute en nasin mute li lon ma Mewika. jan mute li kama tawa ma Mewika tan ma ante. taso kulupu li ante mute. ike mute li tan ni. kulupu wawa li moli e jan tan kulupu pi wawa lili li poki e ona li ike e sijelo ona.

ma lili[o ante | o ante e toki ilo]

ma Mewika li jo e ma lili mute:

ma ante[o ante | o ante e toki ilo]