ma Kinli
ma Kinli li ma lon ma telo suli Piten. ona li lon poka pi ma Inlan li lon poka telo. nena mute li lon. ma Kinli la, jan mute li toki e toki Inli e toki Kinli e toki luka pi ma Piten. ma Kinli li lon kulupu ma Juke li lon ma suli Elopa li lon ala kulupu ma Elopa. nimi ona pi toki Kinli li Cymru.
toki Kinli
toki Kinli li suli lon ma Kinli, lon ma Wata. ona li toki pi kulupu toki Intojelopijan li toki pi kulupu toki Kelite. kulupu toki Kelite li jo e toki Kele pi ma Alan e toki Katli pi ma Alapa e toki Keneweke Kemun e toki Peton.
toki Kinli la, kalama/sitelen nanpa wan li ken kama ante. ni li sama toko Kele pi ma Alan taso nasin ona li ante. ona li suli.
| ante ala | wawa ala | lon nena sinpin | kon mute |
|---|---|---|---|
| p | b | mh /m̥/ | ph /f/ |
| t | d | nh /n̥/ | th /θ/ |
| c /k/ | g | ngh /ŋ̊/ | ch /χ/ |
| b | f/v/ | m | -- |
| d | dd/ð/ | n | -- |
| g | [weka] | ng/ŋ/ | -- |
| m | f/v/ | -- | -- |
| ll /ɬ/ | l | -- | -- |
| rh /r̥/ | r | -- | -- |
| ts /t͡ʃ/ | j /d͡ʒ/ | -- | -- |
nimi ona pi toki Kinli li Cymraeg.
lawa
lawa pi ma Kinli li tu
lawa suli pi ma Juke li lawa e ma Kinli. ona li lon ma Inli li lon ma tomo Lonton. jan ale pi ma Kinli li tawa e jan luka luka luka luka tu tawa lawa. ona li pana e mani tawa ma Kinli. kin la, ona li
tomo Sene (toki Kinli: Senedd) li lon ma tomo Kati (toki Kinli: Caerdydd, toki Inli: Cardiff) li lawa e ma Kinli.