sina ante e lipu "ma Sakalin"

[[sitelen:О._Сахалин.png|alt=|thumb|300x300px|ma Sakalin lon sitelen ma]]
{{nimi ijo|'''ma Sakalin'''|Сахали́н|toki Lusi||ipa=}} li [[ma lon telo]] lon poka pi [[ma Asija]]. ona li lon [[ma Sakalin (ma Lusi)|ma Sakalin]] (ma lili pi [[ma Lusi]]). suli la, ona li nanpa wan lon ma Lusi. [[telo suli Nijon]] en [[telo suli Okoto]] li lon poka ona. [[telo suli Tatala]] li tu e ma Asija e ona. jan 489 638 li lon ona. jan mute lon ma lon telo la, ona li nanpa wan lon ma Lusi.

==nimi==
nimi ona lon [[toki Lusi]] li tan nimi pi [[nasin telo Amu]] lon [[toki Mantulu]] "sakalan ula" (kiwen pi nasin telo pimeja). nimi ona lon [[toki Nijon]] {{nimi ijo|"Kalaputo"|樺太廳|toki Nijon||ipa=}} tan {{nimi ijo|"kamuj '''kala puto''' a mosi"||toki Ain|ma pi jan sewi pi nena|ipa=}}. nimi ona lon toki Nijon sin li {{nimi ijo|"Sakalin"|サハリン|toki Nijon||ipa=}}. jan pi ma Sakalin en jan ma lon poka pi nasin telo Amu li nimi e ona kepeken nimi "Ik mip".

==tenpo pini==
[[sitelen:Sakhalin_ainu_men_II.jpg|alt=|thumb|175x175px|jan tan kulupu jan Ajenu lon ma Sakalin]]
jan li lon ma Sakalin lon tenpo pini mute. jan li alasa e [[kala]]. [[kulupu jan Niwki]] li lon poka open ona pi open suno. [[kulupu jan Ajenu]] li lon poka pini ona pi open suno. kin la [[kulupu jan Ewen]] en [[kulupu jan Oloki]] li kama tawa ona. 
[[sitelen:Sahalin.jpg|alt=|left|thumb|151x151px|ma Sakalin lon sitelen ma (1885)]]
tenpo sike nanpa 1805 la, tomo tawa lon telo "Natesta" en jan lawa ona jan Iwan Klusenstein li kama tawa [[ma lon poka telo]] pi ma Sakalin. taso ona li pilin e ni: ma Sakalin li ma lon telo anu [[ma palisa lon poka telo|ma palisa]]. tenpo sike nanpa 1808 la, jan Tensulo Matuta en jan Linso Mamija tan [[ma Nijon]] li kama tawa ma Sakalin. ona li sona e ni: ma Sakalin li ma lon telo. taso ma Sakalin li ma lon telo anu ma palisa lon [[sitelen ma]] lon tenpo mute. tenpo sike nanpa 1849 la, jan Kena Newelski li kama tawa ma Sakalin. ona li sona tawa jan ali e ni: ma Sakalin li ma lon telo.

jan pi ma Lusi en jan pi ma Nijon li kama tawa ona. ona li utala tan ona. ma Nijon li jo e poka pini ona pi open suno. ma Lusi li jo e poka open ona pi open suno. tenpo sike nanpa 1920 la, ma Nijowe li jo e ma Sakalin. taso ona li pana e poka open ona pi open suno tawa ma Lusi. ma Nijon li pana e ma Sakalin ali tawa [[ma Sesesele]] tan pini pi [[utala suli nanpa tu]].

[[kulupu:ma Lusi]]
[[kulupu:ma lon telo]]