ma pi kasi suli
Jump to navigation
Jump to search
ma pi kasi suli li kasi suli mute lon ma sama. ma ni li jo e kasi mute e soweli mute.
pona
ma pi kasi suli li pana e pona tan ni:
- ona li pana e kon pona e kili e moku e tomo tawa soweli mute.
- ona li pona e ma. kon suli li ken ala tawa weka e ma.
- ona li pana e kiwen kasi . jan li ken pali e ijo e tomo e lipu tan kiwen ni. kin la jan li ken seli e ona li pana e seli tawa sijelo ona li ken seli pona e moku.
- ona li pona tawa oko jan.
- ona li awen e telo lon ma.
weka
tenpo ni la jan ike li anpa e kasi suli anu seli e ona tan ni: jan li wile e kiwen kasi e ma. ona li wile suli e ma tomo ona anu kasi e kasi ante lon ma ni.