mama sewi
mama sewi li jan sewi pi suli mute. tenpo mute la ona li jan sewi taso li lon ma ale li sona e ale li ken pali e ale li pona mute li kon li sijelo ala. tenpo mute la ona li toke tawa jon wawa. nasin wan la mama sewi li mije ala li meli ala. nasin ante la mama sewi li mije anu meli.
nasin sewi li jo e mama sewi wan anu mama sewi mute. nasin sewi ante li jo e mama sewi ala kin. jan ante lon nasin sewi ante li jo e sitelen ante pi mama sewi ona.
nasin sewi ante la mama sewi li jo e nimi mute. nasin sewi Jejuta la ona li jan sewi Ele (toki Isiwi. El) en jan sewi Jawe (toki Iwisi: YHWH). jan pi nasin sewi Jejute li ken ala toki e nimi Jawe. nasin sewi Silami la mama sewi li jan sewi Alaku (toki Alapi: Allāh). nasin sewi Salatuta la ona li jan sewi Ajura Mata (toki Aweta: Ahurā Mazdā; toki Ilan: Ohrmazd). nasin sewi Intu la ona li jan sewi Paman (toki Sankita: Brahman) en jan sewi Iwala (toki Sankita: Īśvara). nasin sewi Siki la ona li jan sewi Wajekulu (toki Punsapi: Vāhigurū).