mije pi soweli waso

mije pi soweli waso

mije pi soweli waso anu jan Paman (toki Inli: Batman) li jan lon ala pi lipu sitelen tan kulupu DC. ona li open tan lipu sitelen pi jan alasa ('Detective Comics') nanpa 27 tan tenpo sike nanpa 1939. mama lon pi jan ni li jan Po Ken en jan Pile Pinka.

nimi lon pi mije pi soweli waso li jan Puse Wen. jan Puse Wen li jo e mani mute li kepeken e mani ni tan esun e ilo mute. jan Puse Wen li mije pi soweli waso tan ni: jan ike li moli e mama ona.

jan pona pi mije pi soweli waso li ni: jan waso (anu jan Lopin) en meli pi soweli waso (anu jan Pawoman) en meli soweli (anu jan Kawoman). jan ike pi mije pi soweli waso li ni: jan musi (anu jan Joka) en jan pi sinpin tu (anu jan Tupese) en jan pi waso pimeja walo (anu jan Penwin).

lipu mute en sitelen tawa mute en musi ilo mute li lon tan mije pi soweli waso. mije pi soweli waso li suli mute tawa nasin kulupu.