sina ante e lipu "moku"

[[File:Good Food Display - NCI Visuals Online.jpg|thumb|310px|moku mute]]
'''moku''' li ijo ni: ona li wawa e [[sijelo]]. jan en soweli li pana e moku tawa [[uta]] ona la, moku li tawa insa ona. moku li insa la, sijelo li kama wawa.

moku li lon pini pi insa jan la sijelo li pana e [[ko jaki]] e [[telo jelo]].

moku ante li pona tawa jan ante tawa soweli ante. 

moku li pona tawa jan ante tawa soweli ante. wile moku pi ijo ale li sama ala. jan li ken moku e ni:

* [[telo]]
* [[kasi]] (lipu kasi, [[kili]], [[pan]])
* [[soweli]] ([[waso]], [[akesi]], [[kala]], [[pipi]], [[sike mama]], [[telo walo]], [[ko suwi]])


jan mute li moku e kasi e soweli. jan ante li ken moku e kasi taso tan ni: ona li pilin e ni: jan li ike tawa soweli li moli e ona.

kulupu jan ante li moku e moku ante.

tenpo pini la jan li [[alasa]] e moku taso. tenpo ni la jan ken [[pali kasi]] e kasi li jo e [[soweli tomo]]. ni li ante e moku jan. tenpo ni la jan li ken moku e telo walo e pan.

jan li [[seli]] e moku tan ni: moku seli li pona.

jan lili mute li moku e telo walo pi mama ona. telo ni li pona mute tawa ona.

jan li jo ala e moku e telo la ona li kama ike li ken moli. jan li jo e moku suli mute la ona li kama suli li kama ike li ken moli kin.


[[kulupu:moku]]
[[kulupu:lipu ni li lon lipu Panton kin la o lukin]]