moli tan lipu lawa

laso pimeja: ma pi moli ala (109). laso walo: ma pi moli ala lon tenpo mute (7). jelo pimeja: ona li ken moli e jan. taso, ona li pali ala e ni lon tenpo sike pini 10 (25). loje: ma pi moli ni (54).

moli tan pali ike (toki Inli: "death penalty") li ni: jan li pali e ijo ike mute la, jan lawa pi ma ona li moli e ona tan pali ona. ijo ike la, jan li moli tan pali ona la, ona li wile ike mute mute a. tenpo sike 2022 la, ma pi mute 54 li moli e jan ona tan pali ike ona. ma pi mute 109 li pali ala e ijo ni (taso li ken pali e ni tan ni: jan utala li utala li moli e jan pi utala ala anu ijo ike sama). ma pi mute 7 li ken ala moli e jan ona lon tenpo ale.

jan mute li toki e ni: moli sama ni li pona ala li pakala e kon pi sitelen pi ken jan. taso, ma mute li awen e pali ni.

tenpo pini

tenpo pini mute la, moli ni li lon ma mute anu ma ali. tenpo pini pi tenpo sike pini 200 la, jan mute en ma mute li sona ala li ken ala e ni: kepeken nasin seme la, mi mute li ken pona e jan pi pali ike? ona li ken awen pali e ijo ike. tan ni la, moli tan pali ike ona li lon. kin la, kulupu jan mute a pi ma mute li pali e ijo ni.

taso, jan ale ala li pilin e ni: pali ni li pona. tan ni la, jan mute pi tenpo ale li wile e ni: moli tan pali ike ona li weka tan nasin lawa ma. tenpo lon la, ma mute li ken pali e ijo ante. jan li ken ante li ken pona e pali ona la, ma li wile ala kepeken moli sama ni lon tenpo mute. moli li ken ala pona lon tenpo kama pi pali ni.