mun Elopa
mun Elopa (toki Elena majuna: Εὐρώπη) li mun li sike e mun Jupite. suli pi mun pi jan Juptie, ona li nanpa tu tu. selo ona li kiwen telo lete. ona li jo e kon lili. insa ona li pana e seli. tan seli ni la, telo suli li lon insa pi mun Elopa. jan sona li pilin e ni: ken la, ijo pi moli ala li lon telo suli ni. jan sona mute li pilin e ni: jan Elopa li suli.
tenpo sike 1610 la, jan Kalilejo Kalilewi li kama sona e mun Elopa. nimi pi mun Elopa li sama jan tan nasin sewi Elena.
ilo pi mun Elopa
tenpo sike 1973 la, ilo Pijoniwa (toki Inli: Pioneer) luka luka li ilo mun nanpa wan pi mun Elopa, li sitelen e mun ni. taso, sitelen ni li lili, li pana ala e sona mute.
tenpo sike 1995 la, ilo Kalilejo (toki Inli: Galileo) li kama sike e mun Jupite. ilo ni li sitelen mute e mun Elopa, li pana e sona mute tawa jan sona.