mun Netunu

suno mi la, mun Netunu (toki Lasina: Neptūnus, toki Inli: Neptune) li mun nanpa luka tu wan lon kulupu suno. ona li kon li ko lete. selo pi mun Netunu li laso telo. mun lili mute li sike e mun Netunu. mun ni la, mun Siwitan li suli mute. mun Netunu li jo e sike. taso, sike ni li lili li pimeja. nimi pi mun Netunu li sama jan sewi pi nasin sewi Loma. jan sewi ni li lawa e telo.

sitelen pi mun Netunu

sitelen pi mun Siwitan

tenpo sike nanpa 1846 la, jan Upen Le Welije li kama sona e mun Netunu kepeken sona nanpa. jan Jowan Kale li kama lukin e mun Netunu lon tenpo sike sama.

ilo pi mun Netunu

tenpo sike nanpa 1989 la, ilo mun Pojate nanpa tu li kama tawa mun Netunu. ona li ilo mun taso pi mun Netunu, li sitelen e mun Netunu e mun Siwitan.