kulupu mun mi

kulupu suno mi

kulupu mun mi anu kulupu suno mi li kulupu mun, suno li lon ona. mun 8 li lon ona: mun Mekuliju, mun Wenu, ma, mun Masi, mun Jupite, mun Satunu, mun Ulanu en mun Netunu. kulupu li open lon tenpo sike 4 570 000 000 pini. suli kulupu li suli suno 1,0014 (suno suli anu M_⊙ li mute suli ijo 1.988416 × 10³⁰). sike kiwen li lon insa ma pi mun Masi en mun Jupite. mun lili pi kulupu: mun Puto, mun Selela, mun Kama, mun Makemake, mun Elita, mun Setana en mute. mun lili tawa li lon kulupu.

kulupu mun mi li lon kon poka. ona li lon luka Olilon pi nasin mun walo. mun Alapa Sentawi li lon poka suno.

ma, mun Mekulijim mun Wenu en mun Masi li lon kulupu ma tan ni: kiwen li lon insa ona. mun Jupite, mun Satunu, mun Ulanu en mun Netunu li mun suli. kon li lon insa mun Jupite en mun Satunu la, ona li mun suli pi kon. telo li lon insa mun Ulanu en min Netunu lam ona li mun suli pi lete. mun suli ali li jo e sike.

ken la kon Olot li lon sike e kulupu mun mi. ona li lon linja ma en suno 50 000 (linja ma en suno li linja Mete 149 597 870 700) tan suno. mun lili tawa li lon ona. ken la mun nanpa 9 li lon. wawa suno li lon linja ma en suno 125 000 tan suno.

jan pi tenpo pini li pilin e ni: suno en mun ali li tawa sike e ma mi, ma mi li tawa ala. jan Nikola Kopenike (tenpo sike ali nanpa 17) li toki e ni: mun ali li tawa sike e suno.