sina ante e lipu "musi"

{{o wan|lipu=[[musi sewi]]}}
[[File:Musi - sitelen pona in Sonja Lang's handwriting.svg|thumb|right|nimi musi kepeken sitelen pona]]
jan la, '''musi''' li lon. ona li suli tawa jan, li suli tawa kulupu. musi li ken pilin pona, li ken tenpo pona, li ken pali jan. pali la, nasin musi mute li lon: musi lukin (pali tomo en pali pi kiwen ma en sitelen kule en [[sitelen tawa]] en sitelen ilo en sitelen kiwen en ante) en lipu musi (toki pi tenpo ala en toki pi ike jan en musi toki en toki suli en ante) en musi pana ([[tawa musi]] en [[musi kalama]] en toki pali tawa en ante) en moku musi (seli moku en suwi pali en pali pi telo nasa kasi en ante) en ante.
=pali=
==musi lukin==
===pali tomo===
[[File:Ac.parthenon5.jpg|thumb|left|tomo Patenon lon sewi pi tomo tenpo Akopoli lon [[ma tomo Asina]] lon ma Elena]]
jan li wile e tomo sin la, ona li kepeken nasin pi pali tomo, li kepeken musi pi pali tomo, li kepeken sona pi pali tomo. pali ni li ken suli sama pali pi ma tomo, li ken lili sama supa pi insa tomo. jan sona pi pali tomo o sona e ken e mani tawa jan pali. ona o sona e pali pona e lukin pona tawa jan pi insa tomo.
===pali pi kiwen ma===
[[File:Bowl (Wan) LACMA M.73.48.132.jpg|thumb|poki kiwen Jun pi [[ma Sonko]] li laso, li loje laso lili. ona li tan tenpo Jin (tenpo sike 1127-1234)]]
pali pi kiwen ma li kepeken kiwen poki tan ma. jan li sijelo e kiwen, li seli e kiwen la, pali pi kiwen ma li lon. pali pi nasin mute li ken. poki en kiwen sinpin en kiwen jan en kiwen moku li ken musi taso, li ken tawa pali esun, li ken pona tawa lukin, li ken musi suli. pali pi kiwen ma li ken awen lon tenpo la, ona li suli tawa jan pi sona pi tenpo pini.
===pali pi kon lawa===
pali pi kon lawa la, ijo pali li suli ala. nasin pali li suli mute. musi li kama tan insa pi lawa jan, li ijo taso ala. jan musi li pali e nasin, li pana e nasin lon lipu. jan ante li sona e nasin la, ona kin li ken pali e musi ni.
===sitelen pi kule linja===
jan li pali e sitelen sama ijo lon lipu kepeken ilo sitelen, kepeken kule wan taso kepeken linja taso.
===sitelen kule===
[[File:Mona Lisa, by Leonardo da Vinci, from C2RMF retouched.jpg|thumb|upright|sitelen pi jan Mona Lisa li tan [[jan Lejonato pi ma Winsi]]]]
jan li pali e sitelen sama ijo lon lipu kepeken ko kule anu [[telo kule]].
===sitelen ilo===
sitelen ilo li sitelen pi ijo lon. sitelen ni li kepeken e nasin ilo sama pi [[sitelen tawa]]. jan li open e ilo ni la, sitelen sin li kama sama ijo lon lipu sin tan ilo.
===kiwen sijelo===
kiwen la, jan musi li ken pakala e ona tawa sijelo, li ken nasin e ona tawa nasin ante.

==musi lipu==
{{lipu suli|1=toki musi}}
jan li pana e toki kepeken nimi, kepeken lipu, kepeken [[sitelen toki]]. ken la, toki ni li kepeken kalama uta kin.

==musi pana==
musi ni la, tawa jan en pali jan li suli. jan ante li lukin e jan musi e pali pi jan musi tan musi.
===tawa musi===
jan li tawa e sijelo ona. ni li ken lon musi kalama, li ken lon kulupu pi tawa sama, li ken pana e pilin, li ken tawa sama ijo ante. nasin mute li lon. taso sijelo li tawa.
===musi kalama===
kalama (en kalama ala) li kepeken tenpo, li ante, li kule e kon tawa kute.
===toki pali tawa===
jan musi pali li pana e toki tawa kulupu kepeken tawa, kepeken toki wawa, kepeken musi kalama, kepeken ijo.
==musi ante==
[[nasin jan]] li nasin mute. ni la, musi mute li lon, li ken mute tawa nasin.
===musi moku===
jan pi sona moku li pali e moku la, ni li ken musi kin. moku li ken pona tawa lukin, li ken pona tawa uta.
===ijo pi nasa ala===
jan li kepeken ijo, li kepeken ilo lon tenpo ale la, ijo ni en ilo ni li ken kama musi kin. ken la, jan musi li ken pona e ona tawa musi. taso mute la, ona li awen pona tan sin. sama la, ona li ken pona tawa insa lawa taso pi kepeken ala.
=musi kulupu=
[[File:Paris - Toutânkhamon, le Trésor du Pharaon - Plateau de jeu miniature en ivoire - 005.jpg|thumb|supa musi pi [[ma Masu]] pi tenpo pini suli li tan mani pi [[jan Tutankamun|jan lawa Tutankamun]] pi tenpo pini suli]]
jan li kama kulupu la, ona li kepeken ijo musi, li kepeken ilo musi tawa pilin pona, tawa wawa, tawa tenpo, tawa pali ala, tawa kama sona. jan li wan taso la, sama li ken.
==wawa musi==
[[File:Tug-of-war.jpg|thumb|"o wawa e linja" - musi ni li musi kulupu kepeken ijo pi mute ala taso, li ken lon tenpo ale]]
jan li tawa e sijelo ona tawa wawa la, ni li ken kepeken nasin musi lon kulupu. musi wawa suli la, kulupu suli lukin li lukin e kulupu musi pali lon tenpo musi. kulupu lukin li wile sona e ni: utala la, jan seme li kama jan nanpa wan?
==musi supa==
jan li tawa e kiwen lili e lipu lili lon supa, li alasa e pini pona musi. 
==musi toki tawa==
jan li musi e toki lon kulupu la, ona li pali sama jan ante, li len e sijelo sama jan ante, li toki sama jan ante.
==musi pi kulupu esun==
esun li wile e kulupu pali pona la, ona li pana e kulupu tawa musi pi pona kulupu. ni la, jan li kama sona e nasin pi kulupu pali pona.
==musi pi kama sona==
musi li pona tawa jan. ni la, ona li kama sona mute kepeken musi. musi li ken sama pali esun, li ken sama ilo lon, li ken sama jan ante la, jan li pilin pona, li kama sona kin.
==musi ilo pi sitelen tawa==
ilo sona la, jan li ken lukin e toki, li ken lawa e ijo tawa, li ken alasa e nasin mute.

== o lukin kin ==

* [[nimi:musi]]

[[kulupu:musi]]
[[kulupu:nasin jan]]
[[kulupu:tan lipu Wikipedia]]
[[kulupu:lipu ni li lon lipu Panton kin la o lukin]]