musi Liso Kanpani
musi Liso Kanpani (toki Inli: Lethal Company, "kulupu moli") anu musi pi kulupu moli li musi pi jan Sike (Zeekerss). jan li kama ken musi e ona pi pini ala lon tenpo mun nanpa 10 lon tenpo sike nanpa 2023.
musi ni la, jan li wile kama jo e mani tan tomo suli pi tenpo pini suli. kulupu suli li wile e ni: jan pali o kama jo e mani o pana e mani tawa kulupu. tan ni la, jan o tawa mun mute. taso la, ijo ike mute li lon. ijo li wile moli e jan. ijo pakala mute li lon li ken moli. jan li pana e mani pi mute pona la wile suli ante pi kulupu suli li kama lon.
musi[o ante | o ante e toki ilo]
musi ni la, jan tu tu li musi lon poka. ona li pali tawa kulupu. jan pali li tawa mun. mun ale la, tomo suli wan li lon. tomo ni li kama ante lon tenpo musi sin ale. ni la jan li ken ala tawa tomo suli sama lon tenpo tu. mani en ilo pakala en ijo ike li lon tomo suli. ilo tawa pi jan pali li tawa weka lon tenpo pimeja la jan li ken ala lon mun lon tenpo suli. ilo tawa li tawa weka tan jan ale la mani ale ona li kama weka.[1] jan pali li pali lon tenpo suno tu wan la, kulupu li wile e mani tan jan pali. jan li pana e mani pi mute wile la, ona li awen moli ala. taso kulupu li suli e mute pi wile ona. jan li pali lon tenpo tu wan sin tawa mani pi mute wile sin. kulupu li moli e jan la musi li pini.[2]
jan pali li pana e mani ona tawa kulupu la, kulupu li pana e mani kulupu sin tawa ona.[3] jan pali li ken jo e ijo tu tu taso lon tenpo ale. jo ijo li ken wile e luka tu. jan pali li jo e ijo pi luka tu la ona li ken ala kepeken luka ona tawa pali ante. ilo tawa la, jan li ken lukin e lon pi jan ante li ken open e lupa li ken pini pi tenpo lili e ilo ike. kin la, ona li ken pana e mani kulupu tawa ni: ona li kama jo e ilo sin anu supa sin anu len sin.[4] jan pali li ken toki tawa jan pali ante sama ni: ona li lon poka ona ante la, ona li ken kute pona e ona ante. ona li weka la, ni li ken ala.[1]
musi la, jan li ken tawa mun luka luka tu. mun ante la mute mani en ijo ike en mute pi ijo ike li ante. jan li tawa lon mun la ona li lukin e ijo mute. ijo mute li lon insa pi tomo suli. taso ijo li ken lon ma ante kin. ijo mute li ike tawa jan. taso ijo pi mute lili li ike tawa jan ni taso: ona li lukin pakala e ijo.[5]
pali[o ante | o ante e toki ilo]
jan Sike taso li pali e musi. ona li pana e ona pi pini ala lon tenpo mun nanpa 10 lon tenpo sike nanpa 2023. musi li ken lon ilo Winto.[6][7] jan Sike li toki e ni: ona li wile pini e pali musi lon tenpo kama poka.[8] musi li pini la, ona li wile e ni: ijo mute o lon musi. wile ona la jan musi li pilin e ni: ona li musi la, ona li lukin e ijo sin li kama sona e ijo sin lon tenpo ale.[9][10]
pilin[o ante | o ante e toki ilo]
musi ni li pona mute tawa jan mute. ilo Sin (toki Inli: Steam) la, jan mute a li esun e musi. esun la, musi ni li kama nanpa wan lon ilo Sin. jan pi mute suli li musi.[7][11][12] jan mute la pilin pona suli pi musi ni li tan ni: jan mute li toki e ona lon kulupu. jan li pana e sitelen tawa pi musi ni la jan mute li kama sona e musi li wile musi kin.[13] toki pilin pi jan mute la, ona li pona sama musi Pasopopija (toki Inli: Phasmophobia).[14][15]
tan sona[o ante | o ante e toki ilo]
- ↑ 1.0 1.1 jan Gabriel Moss li toki e ni lon lipu Lethal Company Early Access Review pi kulupu IGN. mi lukin e lipu lon tenpo suno nanpa 19 lon tenpo mun nanpa 4 lon tenpo sike nanpa 2024
- ↑ jan Sanyam Jain li toki e ni lon lipu Lethal Company: Complete Guide pi kulupu TheGamer. mi lukin e lipu ni lon tenpo suno nanpa 19 lon tenpo mun nanpa 4 lon tenpo sike nanpa 2024
- ↑ jan Marloes Valentina Stella li toki e ni lon lipu How to make money in Lethal Company pi kulupu GamesRadar. mi lukin e lipu lon tenpo suno nanpa 19 lon tenpo mun nanpa 4 lon tenpo sike nanpa 2024
- ↑ jan Jen Rothery en jan Marloes Valentina Stella en jan Brandon Rad en jan ante li toki e ni lon lipu Lethal Company Terminal Commands pi kulupu IGN. mi lukin e lipu lon tenpo suno nanpa 19 lon tenpo mun nanpa 4 lon tenpo sike nanpa 2024
- ↑ jan Jen Rothery en jan Marloes Valentina Stella en jan Brandon Rad en jan ante li toki e ni lon lipu Lethal Company Moons pi kulupu IGN. mi lukin e lipu lon tenpo suno nanpa 19 lon tenpo mun nanpa 4 lon tenpo sike nanpa 2024
- ↑ jan Kelsey Reynor li toki e ni lon lipu This $10 Steam game is going massively viral, and it’s easy to see why pi kulupu Vg247. mi lukin e lipu lon tenpo suno nanpa 19 lon tenpo mun nanpa 4 lon tenpo sike nanpa 2024
- ↑ 7.0 7.1 jan Ryan Dinsdale li toki e ni lon lipu This $10 Steam game is going massively viral, and it’s easy to see why pi kulupu IGN. mi lukin e lipu lon tenpo suno nanpa 19 lon tenpo mun nanpa 4 lon tenpo sike nanpa 2024.
- ↑ jan Elie Gould li toki e ni lon lipu I got chased by man-eating spiders in Lethal Company, and all I got was this crummy teapot pi kulupu Techradar. mi lukin e lipu lon tenpo suno nanpa 19 lon tenpo mun nanpa 4 lon tenpo sike nanpa 2024
- ↑ jan Jonathan Boulding li toki e ni lon lipu Lethal Company dev thinking updates should be 'bigger and less frequent' and 'like I broke into an alien zoo' pi kulupu PCGamer. mi lukin e lipu lon tenpo suno nanpa 19 lon tenpo mun nanpa 4 lon tenpo sike nanpa 2024
- ↑ jan Vikki Blake li toki e ni lon lipu Lethal Company dev wants future updates to feel like they "broke into an alien zoo and released the animals" pi kulupu Eurogamer. mi lukin e lipu lon tenpo suno nanpa 19 lon tenpo mun nanpa 4 lon tenpo sike nanpa 2024
- ↑ jan Jordan Gerblick li toki e ni lon lipu Steam's new viral co-op horror hit has 30,000 'overwhelmingly positive' reviews and 100,000 peak players, rivaling Call of Duty, PUBG, and Apex Legends pi kulupu GamesRadar. mi lukin e lipu lon tenpo suno nanpa 19 lon tenpo mun nanpa 4 lon tenpo sike nanpa 2024
- ↑ jan Austin Wood li toki e ni lon lipu In under 6 weeks, co-op hit Lethal Company passes Baldur's Gate 3 and Resident Evil 4 to become the highest-rated Steam release of 2023 pi kulupu GamesRadar. mi lukin e lipu lon tenpo suno nanpa 19 lon tenpo mun nanpa 4 lon tenpo sike nanpa 2024
- ↑ jan Ana Diaz li toki e ni lon lipu Lethal Company was bound to blow up — and now it’s everywhere on social media pi kulupu Polygon. mi lukin e lipu lon tenpo suno nanpa 19 lon tenpo mun nanpa 4 lon tenpo sike nanpa 2024
- ↑ jan Dominic Tarason li toki e ni lon lipu Lethal Company's co-op horror comedy is like an immediately more chaotic and deadly Phasmophobia pi kulupu PCGamer. mi lukin e lipu lon tenpo suno nanpa 19 lon tenpo mun nanpa 4 lon tenpo sike nanpa 2024
- ↑ jan Anna Koselke li toki e ni lon lipu This new horror game on Steam is the next Phasmophobia pi kulupu PCGamesN. mi lukin e lipu lon tenpo suno nanpa 19 lon tenpo mun nanpa 4 lon tenpo sike nanpa 2024