musi Liso Kanpani
musi Liso Kanpani (toki Inli: Lethal Company, "kulupu moli") li musi pi jan Sike (toki Inli: Zeekerss). jan li kama ken musi e ona pi pini ala lon tenpo mun nanpa 10 lon tenpo sike nanpa 2023.
musi ni la, jan li wile kama jo e mani tan tomo suli. tenpo suli la jan li lon ala tomo suli ni lon tenpo suli. taso ijo ike mute li lon. ijo li wile moli e jan. tomo la ijo pakala mute li lon li ken moli e jan.
jan musi li jan pali kulupu. kulupu pali li wile e ni: jan o kama jo e mani o pana e mani tawa kulupu. ni la, jan pali o tawa mun o kama jo e mani pi tomo suli. ona li pana e mani pi mute pona la, mute pona li ante li kama suli. ona li pana ala e mani pi mute pona la, kulupu li moli e ona.
musi
musi ni la, jan tu tu o musi lon poka pi ona sama. musi ni la, ona li lon tenpo kama. ona li pali tawa kulupu. jan musi li ken toki tawa jan musi ante sama ni: sina lon poka jan la, ona li ken kute pona e sina. sina weka la, ni ala. jan musi o tawa mun. jan ante li lon mun ni lon tenpo pini suli, taso ona li kama weka. mun ale la, tomo suli wan li lon. jan li tawa mun la, tomo suli ni li kama ante. tomo suli la mani en ilo pakala en ijo ike li lon. jan musi o pali wawa. ilo tawa ona li tawa weka lon tenpo pimeja la jan li ken ala lon mun lon tenpo suli. ilo tawa li tawa weka tan jan ale la mani ale ona li kama weka.[1] tenpo suno tu wan la, jan o pana e mani ona tawa kulupu. ona li pana e mani pi mute pona la, ona li ken awen moli ala. taso mute pona li kama suli. jan musi o awen lukin pana e mani pi mute pona lon tenpo suno tu wan.[2]
jan musi li pana e mani ona tawa kulupu la, kulupu li pana e mani kulupu tawa ona. jan musi li ken kama jo e ilo sin e ijo ante sin kepeken mani kulupu.[3] jan musi li ken jo e ijo tu tu taso lon tenpo ale. jo ijo li ken wile e luka tu. jan musi li jo e ijo pi luka tu la ona li ken ala kepeken luka ona tawa pali ante. ilo tawa la, jan li ken esun e ijo sin li ken lukin e lon pi jan ante li ken open e lupa li ken pini pi tenpo lili e ilo ike.[4]
musi la, jan li ken tawa mun luka luka tu. mun ante la mute mani en ijo ike en mute pi ijo ike li ante. jan li tawa lon mun la ona li lukin e ijo mute. ijo mute li lon insa pi tomo suli. taso ijo li ken lon ma ante kin. ijo mute li ike tawa jan. taso ijo pi mute lili li ike tawa jan ni taso: ona li lukin pakala e ona.[5]
pali
jan Sike taso li pali e musi. ona li pana e ona pi pini ala lon tenpo mun nanpa 10 lon tenpo sike nanpa 2023. musi li ken lon ilo Winto.[6][7] jan Sike li toki e ni: ona li wile pini e pali musi lon tenpo kama poka.[8] musi li pini la, ona li wile e ni: ijo mute o lon musi. wile ona la jan musi li pilin e ni: ona li musi la, ona li lukin e ijo sin li kama sona e ijo sin lon tenpo ale.[9][10]
pilin
musi ni li pona mute tawa jan mute. ilo Sin (toki Inli: Steam) la, jan mute a li esun e musi. esun la, musi ni li kama nanpa wan lon ilo Sin. jan pi mute suli li musi.[7][11][12] jan mute la pilin pona suli pi musi ni li tan ni: ona li kama suli lon kulupu jan ilo.[13] jan mute la, ona li pona sama musi Pasipopija (toki Inli: Phasmophobia).[14][15]
tan sona
- ↑ jan Kapi Mo li toki e ni lon https://www.ign.com/articles/lethal-company-early-access-review. mi lukin e lipu lon tenpo suno nanpa 19 lon tenpo mun nanpa 4 lon tenpo sike nanpa 2024
- ↑ jan Sansan Sen li toki e ni lon https://www.thegamer.com/lethal-company-complete-guide/. mi lukin e lipu ni lon tenpo suno nanpa 19 lon tenpo mun nanpa 4 lon tenpo sike nanpa 2024
- ↑ jan Malo Walensina Sela li toki e ni lon https://www.gamesradar.com/lethal-company-money/. mi lukin e lipu lon tenpo suno nanpa 19 lon tenpo mun nanpa 4 lon tenpo sike nanpa 2024
- ↑ jan Sen Wasewi en jan Malo Walensina Sela en jan Penton en jan ante li toki e ni lon https://www.ign.com/wikis/lethal-company/Lethal_Company_Terminal_Commands . mi lukin e lipu lon tenpo suno nanpa 19 lon tenpo mun nanpa 4 lon tenpo sike nanpa 2024
- ↑ jan Sen Wasewi en jan Malo Walensina Sela en jan ante li toki e ni lon https://www.ign.com/wikis/lethal-company/Lethal_Company_Moons. mi lukin e lipu lon tenpo suno nanpa 19 lon tenpo mun nanpa 4 lon tenpo sike nanpa 2024
- ↑ jan Keli Weno li toki e ni lon https://www.vg247.com/steam-game-going-viral-and-easy-to-see-why. mi lukin e lipu lon tenpo suno nanpa 19 lon tenpo mun nanpa 4 lon tenpo sike nanpa 2024
- ↑ 7.0 7.1 jan Wajen Sinse li toki e ni lon https://www.ign.com/articles/lethal-company-steams-latest-hit-reaches-100000-concurrent-players. mi lukin e lipu lon tenpo suno nanpa 19 lon tenpo mun nanpa 4 lon tenpo sike nanpa 2024.
- ↑ jan Ewi Ko li toki e ni lon https://www.techradar.com/gaming/pc-gaming/i-got-chased-by-man-eating-spiders-in-lethal-company-and-all-i-got-was-this-crummy-teapot. mi lukin e lipu lon tenpo suno nanpa 19 lon tenpo mun nanpa 4 lon tenpo sike nanpa 2024
- ↑ jan Sanasan Posin li toki e ni lon https://www.pcgamer.com/lethal-company-dev-thinking-updates-should-be-bigger-and-less-frequent-and-like-i-broke-into-an-alien-zoo/. mi lukin e lipu lon tenpo suno nanpa 19 lon tenpo mun nanpa 4 lon tenpo sike nanpa 2024
- ↑ jan Wiki Pe li toki e ni lon https://www.eurogamer.net/lethal-company-dev-wants-future-updates-to-feel-like-they-broke-into-an-alien-zoo-and-released-the-animals. mi lukin e lipu lon tenpo suno nanpa 19 lon tenpo mun nanpa 4 lon tenpo sike nanpa 2024
- ↑ jan Kepi Saten li toki e ni lon https://www.gamesradar.com/steams-new-viral-co-op-horror-hit-has-30000-overwhelmingly-positive-reviews-and-100000-peak-players-rivaling-call-of-duty-pubg-and-apex-legends/. mi lukin e lipu lon tenpo suno nanpa 19 lon tenpo mun nanpa 4 lon tenpo sike nanpa 2024
- ↑ jan Osin U li toki e ni lon https://www.gamesradar.com/in-under-6-weeks-co-op-hit-lethal-company-passes-baldurs-gate-3-and-resident-evil-4-to-become-the-highest-rated-steam-release-of-2023/. mi lukin e lipu lon tenpo suno nanpa 19 lon tenpo mun nanpa 4 lon tenpo sike nanpa 2024
- ↑ jan Ena Sije li toki e ni lon https://www.polygon.com/24040561/lethal-company-roblox-popularity-explained. mi lukin e lipu lon tenpo suno nanpa 19 lon tenpo mun nanpa 4 lon tenpo sike nanpa 2024
- ↑ jan Tomini Tawason li toki e ni lon https://www.pcgamer.com/lethal-companys-co-op-horror-comedy-is-like-phasmophobia-but-immediately-more-chaotic-and-deadly/. mi lukin e lipu lon tenpo suno nanpa 19 lon tenpo mun nanpa 4 lon tenpo sike nanpa 2024
- ↑ jan Ana Koseke li toki e ni lon https://www.pcgamesn.com/lethal-company/new-phasmophobia. mi lukin e lipu lon tenpo suno nanpa 19 lon tenpo mun nanpa 4 lon tenpo sike nanpa 2024