musi Palasin
musi palatin: jan utala pi ma suli (toki Inli: Paladins: Champions of the Realm) li musi ilo pi wile mani ala. kulupu ile (Hirez) en kulupu ewi mojo (Evil Mojo) li pali e ona. sina ken musi kepeken ilo nanpa, ilo Ekesepo en ilo PS4.
ma pi musi palatin
musi palatin li lon ma nasa nasa. ona li jo e jan, e jan lili, e soweli pi ken toki, e monsuta, e jan ilo. jan ale li utala tan ni: kulupu mekite (toki Inli: Magistrate, "kulupu pi wawa nasa") en kulupu lesitate (toki Inli: Resistance, "kulupu pi wile ala") li utala. ma sewi pona (toki Inli: Pyre) en ma sewi ike (toki Inli: Abyss) li lon kin, li jo e jan utala mute a.
nasin musi
musi palatin li musi utala. sina ken lukin e musi kepeken oko pi jan utala sina. musi open la, sina ken kama jo e jan utala. jan utala ale li jo e ilo utala, e wawa utala. sina ken ante e nasin musi pi jan utala, li ken pana e wawa ante tawa ona. musi ale li jo e kulupu tu pi jan luka: kulupu laso en kulupu loje.
nasin musi tu tu li lon
o pakala e tomo:
(toki Inli: siege) wan la, kulupu li wile kama jo e ma sike. jan pi kulupu sina li lon ma sike en jan pi kulupu ante li lon ala ma sike la, kulupu sina li kama jo e ma sike. kulupu li kama jo e ma sike la, ona li wile tawa e tomo tawa pakala tawa tomo pi kulupu ante. kulupu li kama jo e ma sike, li tawa e tomo tawa la, ona li kama jo e wan. kulupu li jo e tu tu la, musi li pini.
o kama jo e ma sike:
(toki Inli: onslaught) kulupu li wile kama jo e ma sike. tomo tawa pakala li lon ala.
o moli e kulupu ante:
(toki Inli: team deathmatch) ma sike en tomo tawa pakala li lon ala. sina moli e jan pi kulupu ante la, kulupu sina li kama jo e wan. kulupu li moli jan mute mute la, musi li pini.
lanke:
(toki Inli: ranked) musi ni li sama o pakala e tomo, taso kulupu sina li kama nanpa wan la, sina kama jo e tp. kulupu sina li kama nanpa tu la, sina kama weka e tp. sina kama jo e 100 tp la, lanke sina li kama suli.
lanke pi musi palatin li:
- kiwen loje jelo (1-5)
- kiwen laso telo (1-5)
- kiwen jelo (1-5)
- kiwen laso loje (1-5)
- kiwen laso sewi (1-5)
- jan pi musi pona
- jan pi musi pona a (200 jan pi musi pona)