sina ante e lipu "musi Tetasu"

[[sitelen:Typical Tetris Game.svg|alt=ni li sitelen pi musi Tesi|thumb|musi Tesi]]{{nimi ijo|'''musi Tesi''' anu '''musi Tetasu'''|Tetris|toki Inli|musi leko tu tu}} (Losi: Тетрис) li musi pi poki nanpa tan jan Alexey Pajitnov. ona li pali e musi ni lon tenpo sike nanpa 1985. musi ni lon ilo musi mute.

jan li musi Tesi la, jan li pali e linja poka kepeken leko Tetamino. leko ni li tawa anpa. linja leko li lon la, linja leko ni li kama weka li pana e nanpa pona. ni li ken e ni: jan li ken musi Tesi lon tenpo suli a. jan li pali e linja leko mute lon tenpo wan la, jan li kama jo e nanpa pona mute a.

jan mute a li musi Tesi. ona li pona a tawa jan mute a. musi Tesi li nanpa tu lon jan musi. musi Tesi li lon nasin ilo musi 65 anu musi mute a. musi Tesi li ken ante e insa lawa jan. jan li kama jo e musi Tesi lon tenpo 520,000,000.

== musi ==
musi Tesi la, jan li tawa e leko Tetamino lon supa; taso, leko li ken ala tawa sewi. jan li wile pali e linja poka tawa ni: ona li kama jo e nanpa pona. jan li pali la, linja poka li kama weka. jan li pali e linja poka mute la, jan kama jo e nanpa pona mute a. leko li kama lon supa sewi la, jan li pakala e musi ni.

=== leko Tetamino mute ===
[[sitelen:Tetrominoes IJLO STZ Worlds.svg|alt=ni li sitelen pi kule ale pi leko Tetamino|left|thumb|kule ale pi leko Tetamino]]


leko Tetamino luka tu li lon. ona ale li leko lili tu tu. nasin sitelen ni la ona li jo e nimi I, e nimi J, e nimi L, e nimi O, e nimi S, e nimi T, e nimi Z. jan li ken tawa sike li ken tawa poka e ona. jan li musi lon tenpo suli la, leko li kama tawa anpa kepeken tenpo lili. kule ni li meso; taso kule ante li lon tenpo pini.
[[kulupu:musi ilo]]