nasin Joka

lipu ni li wile e pali. sina ken pona e ona.

nasin Joka li nasin pi pilin sewi. nimi Joka li lon toki Sankita: Joga - योग - li lon toki pona: kama wan poka jan sewi.

nasin Joka li insa nasin sewi Intu.

nasin sewi Intu la nasin Joka li jo e kulupu tu tu.

ona mute li:

- nasin sona Joka (Jnana Yoga). jan li kama tawa jan sewi kepeken sona mute. jan li kama sona mute li sitelen toki.

- nasin pali Joka (Karma Yoga). jan li pali e pona li pana e pona tawa ale.

- nasin pilin Joka (Raja Yoga). jan li pali pona e sijelo.

- nasin olin Joka (Bhakti Yoga). jan li tawa jan sewi kepeken toki sewi en pana olin en toki sewi e nimi pi jan sewi.

jan pi nasin Joka li sona e ni:

jan ale li wan li jo e kon wan. olin suli li wan li olin pi jan ale.

jan li pilin ike la ona li ken pilin ala e ni.

ona li pilin pona la ona li ken pilin e olin suli li ken kama wan.

ona li wile pilin pona la ona ken pali e ni:

• li sona pona. jan li wile sona ike ala.

• li moku pona. jan li moku e moku pona li moku ala e soweli li moku e moku pi suli kepeken suno.

• li toki pona. jan li toki ike la toki ike ni li ken pali ike tawa jan tawa ante.

• li lawa e wawa sijelo. li jo pona e kon. (lon Sankitu: PranaJama)

• li awen lon awen pi sijelo sama (Sankitu - Asana).

awen li ken sama awen soweli anu awen kasi anu awen kala. jan li ken lukin e ijo li ken sona e awen sin.

• li pali e ijo pona tawa jan ante tawa ma. (lon Sankitu: KarmaJoga)