nasin nanpa tu
nasin nanpa tu li nasin pi sitelen nanpa. lon ijo mute la nasin nanpa tu li sama tawa nasin nanpa Alapi.
nasin nanpa tu li pali lon nanpa tu (2). sama ala la, nasin nanpa Alapi li pali lon nanpa luka luka (10).
sitelen nanpa[o ante | o ante e toki ilo]
tenpo mute la, nasin nanpa tu li kepeken e sitelen tan nasin nanpa Alapi. taso, nasin nanpa tu li wile e sitelen tu taso. tan ni la, jan li ken kepeken e sike anu palisa anu sitelen ale tawa sitelen.
nasin nanpa pi toki pona | nasin nanpa Alapi | nasin nanpa tu |
---|---|---|
ala | 0 | 0 |
wan | 1 | 1 |
tu | 2 | 10 |
tu wan | 3 | 11 |
tu tu | 4 | 100 |
mute | 20 | 10100 |
mute mute mute tu tu | 64 | 1000000 |
lon ma pi tenpo ni[o ante | o ante e toki ilo]
lon insa la, ilo wawa ale li kepeken e nasin nanpa tu tan ni: wawa li ken lon anu lon ala taso. tenpo pini la jan li wile lawa e ilo wawa, ona li wile sona e nasin nanpa tu. tenpo ni la jan li wile lawa e ilo lawa, ona li wile ala sona.
pali nanpa[o ante | o ante e toki ilo]
lon nasin nanpa tu la, nanpa lili li ken suli. taso, jan li ken nanpa kepeken pali lili.
tawa pali nanpa poka la, jan li wile sona e ijo tu tu taso:
- 0 + 0 = 0
- 0 + 1 = 1
- 1 + 0 = 1
- 1 + 1 = 10
1 1 0 0 = 12 + 1 1 0 1 1 = 27 ------------ 1 1 0 1 1 1 ------------ 1 0 0 1 1 1 = 39
nasin sama li lon tawa pali nanpa ante.