nasin pi tenpo suno mun
nasin ni la sina ken toki e tenpo kepeken lukin suno mun.
nasin pi tenpo sike[o ante | o ante e toki ilo]
tenpo sike la ma ni li tawa lon sike. sike ni la suno li lon insa. tenpo sike nanpa wan pi nasin ni li open lon tenpo 3/27/2001[1]. tenpo ni li tenpo open pi tenpo kasi.
nasin pi tenpo mun[o ante | o ante e toki ilo]
tenpo mun la mun li sike tawa lukin. tenpo sike luka tu wan la tenpo sike luka li jo e tenpo mun luka luka tu. taso tenpo sike tu wan li jo e tenpo mun luka luka tu e mun namako. tenpo sike seme li jo e mun namako? sina ken kama sona kepeken toki musi ni: "namako ala, namako, namako ala, namako ala, namako, namako ala, namako, namako ala"[1]
sina ken toki e tenpo mun kepeken nimi tu[1][2]:
- tenpo mun kama pi tenpo kasi / mun nanpa Wan
- tenpo mun awen pi tenpo kasi / mun nanpa Kon
- tenpo mun pini pi tenpo kasi / mun nanpa Seli
- tenpo mun kama pi tenpo seli / mun nanpa Ma
- tenpo mun awen pi tenpo seli / mun nanpa Telo
- tenpo mun pini pi tenpo seli / mun nanpa Mama
- tenpo mun kama pi tenpo pan / mun nanpa Kasi
- tenpo mun awen pi tenpo pan / mun nanpa Pipi
- tenpo mun pini pi tenpo pan / mun nanpa Kala
- tenpo mun kama pi tenpo lete / mun nanpa Akesi
- tenpo mun awen pi tenpo lete / mun nanpa Waso
- tenpo mun pini pi tenpo lete / mun nanpa Soweli
- mun namako / mun nanpa Namako
nasin pi tenpo suno[o ante | o ante e toki ilo]
tenpo suno la suno li kama li weka. tenpo mun nanpa wan li jo e tenpo suno mute luka tu tu. tenpo mun nanpa tu li jo e tenpo suno mute luka luka. tenpo mun nanpa tu wan li jo e tenpo suno mute luka tu tu. tenpo mun nanpa tu li jo e tenpo suno mute luka luka. ni li sike lon mun ali. taso mun namako li jo e tenpo suno mute luka luka[1].
sina ken toki e kulupu lili pi tenpo suno kepeken nasin ni pi lukin mun[1]:
- mun len pimeja
- mun lili kama
- mun kipisi open
- mun suli kama
- mun suli sike
- mun suli tawa
- mun kipisi pini
- mun lili tawa
ni la sina ken toki e suno sama ni: "tenpo suno nanpa tu pi mun lili kama pi tenpo mun awen pi tenpo kasi"
nasin tenpo lon insa pi tenpo suno[o ante | o ante e toki ilo]
kipisi pi tenpo suno li ken ni[3]:
- tenpo pimeja pana
- tenpo pimeja len
- tenpo pimeja weka
- tenpo suno kama
- tenpo suno awen
- tenpo suno tawa
kin la sina len kepeken e linja nimi "open pi" e linja nimi "pini pi".