nasin sewi Kemetesin
nasin sewi Kemetesin li nasin sewi Pakano pi jan sewi mute. nasin sewi Kemetesin li wan pi nasin sewi mute pi nanpa wan lon tenpo. tenpo pini 6000 tenpo sike la, ona li open lon ma Kemete. (tenpo ni la, ma Kemete li jo e nimi ni: ma Masu.)
tenpo pini 1800 tenpo sike la, nasin sewi Kolisu li moli e nasin sewi Kemetesin. taso, tenpo ni la, nasin sewi Kemetesin li jo e pali. jan mute pi nasin sewi Kemetesin li kama tan ma Mewika li kama tan ma Juke li kama tan ma Oselija. tenpo ni la, ma Masu li jo ala e jan pi nasin sewi Kemetesin tan ni: jan pi nasin sewi Silami kama tan Masu li jo e pilin ni: nasin sewi pi jan sewi mute li ike tawa ona.
jan pi nasin sewi Kemetesin li sona e jan sewi ni:
- jan sewi Asete li jan sewi pi wawa nasa, li jan sewi pi mama meli, li jan sewi pi sewi kon.
- jan sewi Osali li jan sewi pi jan moli, li jan sewi pi ma anpa ma.
- jan sewi Eluse-Weli li jan sewi waso, li jan sewi pi jan lawa.
- jan sewi Sute li jan sewi pakala, li jan sewi pi ma seli pi telo ala.
- jan sewi La li jan sewi suno, li lawa pi jan sewi mute.
- jan sewi Sekime li pali e pona, li jan sewi pi telo loje pi sijelo.
- jan sewi Tejuti li jan sewi sona, li jan sewi mun.
- jan sewi Sope li jan sewi pi akesi telo, li jan sewi pi nasin telo.
- jan sewi Kenun li pali e jan tan kiwen ko.
- ante mute.
mama pi jan mute pi nasin sewi Kemetisin li jan sewi: jan sewi Kenun en ante tu.
jan pi nasin sewi Kemetisin li pali poka jan sewi pi nanpa lili. taso, ona li sona e jan sewi pi nanpa mute.