nasin telo Nile
nasin telo Nile (toki Alapi: النيل) li nasin telo lon ma Apika. ona li open lon sike telo Witowija lon ma Ukanta. ona li pana e telo tawa telo suli Mesitelane lon ma Masu. ma Masu en ma Sutan en ma Sato Sutan en ma Ukanta li lon poka ona. ma tomo Kajela en ma tomo Katum en ma tomo Asuan en ma tomo Alesanlija li lon poka ona. nasin telo mute la, ona li nanpa tu (nasin telo Amasona li nanpa wan). nasin telo Asua en nasin telo Atbala en nasin telo Tapus en nasin telo Nile laso walo li pana e telo tawa ona.
nimi ona li tawa tan toki Elina Νεῖλος.
nasin telo Nile walo e ni li ma lili pi nasin telo Nile. ona li lon ma Sutan. nasin telo El-Kasal en nasin telo Sopat li pana e telo tawa nasin telo Nile walo.
ma lon telo mute li lon nasin telo Nile.
tenpo pini mute pi nasin telo Nile jelo li pana e telo tawa nasin telo Nile. taso nasin telo Nile jelo li moli.